FCS YATOA RUZUKU YA BILIONI 4 KWA AZAKI KUTEKELEZA MIRADI YA MAENDELEO

 Na.Kadala Komba Dodoma

SHIRIKA la Foundation for Civil Society   FCS AZAKI limetoa ruzuku yenye jumla ya Shilingi bilioni nne kwa Asasi za kiraia AZAKI 89Tanzania bara na Visiwani ili kutekeleza miradi ya kimaendeleo chini ya program za utawala bora katika sekta za maji,elimu afya na kilimo ikiwemo usawa wa kijinsia kwa Mwaka wa fedha 2022/2023.

Mkurugenzi Mtendaji wa Shirika hilo,Francis Kiwanga ameyaeleza hayo leo Jijini Dodoma wakati akifungua mafunzo ya usimamizi wa ruzuku kwa Asasi hizo zilizochaguliwa baada ya kukidhi vigezo ambapo miradi hiyo imejikita ili kuhakikisha miradi inayofadhiliwa inawasaidia wananchi kuboresha maisha yao na kukuza Sekta ya Asasi za Kiraia.

Aidha amesema kuwa Shirika hilo limepitisha mpango mkakati mpya wa Mwaka 2022 hadi2026 ambao unataka kuona wananchi waliowezeshwa,wanawajibika na wanapata haki za kiuchumi na kijamii ikiwa ni pamoja na kuboresha maisha yao.

Benadeta Choma wa Asasi isiyo ya kiraia ya  Tanzania women initiative iliyopo Mkoani Tanga  amesema kuwa Kama NGOS kwa ruzuku walizopata zitawasaidia kujenga uelewa kwa wananchi katika sekta mbalimbali za maendeleo.

Mkurugenzi Mtendaji wa FCS, Francis Kiwanga (wa kwanza kushoto)katika picha ya pamoja wakiwa wameshikilia hundi katika warsha ya usimamizi wa ruzuku kwa AZAKI hizo zilizochaguliwa kupata ruzuku leo Agosti 15,2022 jijini Dodoma

Mkurugenzi Mtendaji wa FCS,Francis Akizungumza na wajumbe kuhusu mpango mkakati mpya wa Mwaka 2022 hadi2026