Na. Kadala Komba Dodoma
Askofu
Mkuu wa kanisa la The Avngelistic Assemblies of God Tanzania Dkt Brown
Mwakipesile Amesema kumekuwa na migogoro mingi ndani ya kanisa letu kwa
muda mrefu takriban miaka 6 uliotokana na aliyekuwa Makamu Askofu Mkuu
wa kanisa letu John Stephene Mahene kupinga kuondolewa madarakani kwa
sababu za kukiuka miongozo ya imani ya kanisa hilo ambapo alidai
kuondolewa kwa sababu za kuhoji ubadhilifu wa fedha na mali za kanisa
uliofanywa na viongozi wa kanisa.
Hayo
yamejili jijini Dodoma wakati Askofu Dkt. Brown Mwakipesile
akizungumza na waandishi wa habari katika ofisi kuu za za kanisa Meriwa
Alisema Ndugu wanahabari tumewaita leo kueleza mustakabali mzima wa
mgogoro huo ambapo kutokana na maamuzi ya uongozi wa Msajili wa Jumuiya
ulitoa barua yenye kumbukumbu Na.SA. 7183/PARTVI/50 ya tarehe 30June,
2022, barua ambayo ina maelezo ya kina sana jinsi Serikali ilivyofanya
Uchunguzi wa kutosha na mwishowe ikabaini kwamba tuhuma zote
walizotuhumiwa Viongozi Wakuu wa Kanisa la EAGT hazina msingi na wala
Viongozi hao Wakuu hawahusiki kabisa na tuhuma zote walizotuhumiwa nazo,
jambo ambalo limeipa ujasiri Serikali yetu kutangaza kwamba, mgogoro
umekwisha na kutambua Viongozi halali wa Kanisa la EAGT kwa sasa kwa
kuorodhesha majina yao jambo ambalo limefuta kabisa mawazo potofu
yaliyokuwa yanaenezwa kwamba kuna EAGT mbili Alisema Askofu
Mwakipesile.
Sambamba na hilo Askofu Mwakipesile ametambulisha majina halali ya viongozi wa kanisa hilo.
1.Askofu Mkuu Dkt. Brown Abel Mwakipesile
2.Makamu Askofu Mkuu Dkt. Joshua Benjamin Wawa
3. Katibu Mkuu Dkt. Leonard Majura Mwizarubi
4.Mhuzani Mkuu Dkt. Praygod Zawadi Mgonja
5.Mshauri Mkuu Dkt. Livingstone Dennes
Aidha
Askofu Mwakipesile alisema kwa maamuzi haya ya Serikali, kikao cha
Baraza la Waangalizi wa Kanisa letu zuri la EAGT kilichokaa tarehe
12/07/2022 ambacho ndicho kikao chenye kauli ya mwisho ya kukata
mashauri mbalimbali kuhusiana na Wachungaji. Toleo la 2011 Ibara ya XI- 4
kifungu kidogo (f) kilimshukuru Mungu sana pamoja na Serikali yetu kwa
kutenda haki, na kisha kikatamka kwamba.
Sambamba
na hilo Askofu Mwakipesile ametoa miezi mitatu kuanzia tarehe ya barua
hii kwa Mchungaji yeyote atakayetaka kurejea baada ya mgogoro
kumalizika, atapokelewa na ngazi husika kwa sharti la kuandika barua kwa
Uongozi husika kwamba ametambua kosa lake na sasa anaomba msamaha na
kwamba yuko tayari kutumika chini ya Uongozi halali wa Kanisa la EAGT.
Mwisho wa kupokelewa ni tarehe 20 Octoba 2022; na baada ya tarehe hiyo
mlango utakuwa umefungwa Alisema .
Aidha
Askofu Mwakipesile alisema kwa wale ambao watataka kuondoka EAGT,
Baraza la Waangalizi limetamka kwamba lazima waheshimu sana Katiba yetu
ya EAGT Toleo la 2011 Ibara ya IX ambayo inasema,”Mtumishi aachapo
utumishi wake EAGT ataondoka pekee pasipo washirika wala mali za Kanisa”
Kanisa la EAGT litaendelea kudumisha amani ya nchi yetu kama ambavyo limekuwa likifanya siku zote.
Pia
Askofu Mwakipesile alisema kwa Sasa Kanisa la EAGT litaendelea
kudumisha amani na utulivu katika kutekeleza majukumu yake kwa busara
pamoja na hekima itokayo juu kwa maongozi ya Roho Mtakatifu kwani ndiyo
msingi wa kanisa letu, huku tukihubiri habari njema ya watu kuacha
dhambi na kumgeukia Kristo kusimamia utakatifu kwa bidii, Mungu
awabariki. Yak. 3:17-18
Mwisho
kabisa Askofu Mwakipesile alisema nitumie fursa hii pia kuwasihi
watanzania wote kushiriki katika zoezi la Sense ya Watu na Makazi ya
Mwaka 2022 inayotarajiwa kufanyika tarehe 23 Agosti, 2022 ikiwa ni zoezi
muhimu kwa kila mmoja wetu kuhesabiwa ambapo tunaamini itaisaidia
Serikali kuendelea kuweka mipango mbalimbali ya kimaendeelo kwa kujua
idadi ya watu wake.
MWISHO
 |
0 Comments:
Post a Comment