ASKOFU ATOA SIRI NILIKUWA MLEVI MAISHA YALINIPIGA

 Na.Kadala Komba Dodoma

• Askofu  Silvester Thadey wakati Akihubiri Injili kanisani 

Askofu wa kanisa la International Evangelism Church Mkoa wa Dodoma Silvester Thadey amesimulia alivyokuwa mlevi  na maisha yalivyompiga kabla ya kuokoka.

 Askofu Thadey  amesema ameona  awasimulie washirika wake kuhusu maisha yake ya nyuma kabla ya Wokovu maisha ambayo aliishi,kwani alikuwa mlevi Hali iliyopelekea maisha  kuemchanganya na kutoona  mbele nakujaribu kuenda mikoa mbalimbali kutafuta maisha lakini bado mambo yakawa magumu kwa upande wake na Rafiki yake.

Hayo yamejili jumapili ya tarehe 14/8/2022 jijini Dodoma katika Ibada ya kumshukuru Mungu kwa kuwawezesha  kumaliza salama Mfungo wa maombi ya wa wiki moja ya kuombea Amani ya Nchi wakati akihubiri injili ambayo ilibeba ujumbe unaosema  USIKATE TAMAA KWA MUNGU LIPO TUMAINI.

Aidha alinukuu vifungu mbalimbali katika Biblia kikiwepo kifungu Cha Isaya 4:5.6 ambapo amesema pamoja na kuwa na maisha mabaya ambayo hayakumpendeza Mungu siku moja alisikia habari njema za Mungu ndipo akaamua kutoa maisha yake kwa kumpokea Yesu  ndipo ukazaliwa na wito wa Utumishi.

"Wakati mwingine Mungu anakuwa na mipango nikubwa kwajili ya maisha yetu lakini kwa sababu atujafanya maamuzi, lakini pindi unapofanya Maamuzi Basi Mungu anaamua kukuita ili uweze kumtumikia kwa kusudi maalumu.",amesema

Sambamba na hilo Askofu Thadey Aliwataka Wakristo kuacha tabia ya kukimbilia miujiza na badala yake wajikite katika kuliamini Neno, sababu ukiliamini Neno ndani ya Neno uko muujiza wa kweli, Yesu alitabiri siku za mwisho mtaona ishara nyingi na mambo ya ajabu yakitokea, hivyo kitu kikubwa ni kuyakabidhi maisha kwa kristo Yesu baadaye utaona miujiza.

 

 Katika hatua nyingine Askofu Thadey alitumia nafasi hiyo kuwaeleza Waumini wa kanisa hilo umuhimu wa kushiriki katika uandikishaji wa sensa ya watu na makazi itakayo fanyika Agost 23 Mwaka huu Nchini.

Waumini wa kanisa hilo wakiendelea kufutilia somo la Injili

Askofu Silvester Thadey  wa kanisa la International Evangelism Church Akiwaombea Baraka washirika wa kanisa hilo

Waumini wa kanisa la Internation Evangelism Sinai Ipagala Dodoma wakimsikiliza kwa makini Askofu wa Kanisa hilo

• MWISHO