TASAC YATOA ELIMU KWA WANANCHI MTWARA.

Na Mwandishi Wetu,Mtwara.

SHIRIKA la Uwakala wa Meli Tanzania(TASAC)limetoa elimu kwa wananchi kuhusu namna Shirika linavyotekeleza Majukumu yake kwa Mujibu wa Sheria.

Elimu hiyo imetolewa katika maonesho ya Bishara, Uwekezaji na Fursa yanayofanyika katika viwanja vya Mashujaa kuanzia tarehe 19 hadi 31 Machi, 2023 Mkoani Mtwara.

Akizungumza na Vyombo ya habari Kaimu Afisa Mfawidhi wa Mkoa wa  Shirika la Uwakala wa Meli Tanzania Mkoa wa Mtwara, Mha. Jospeh Myaka amesema kuwa katika kutekeleza majukumu yao Shirika hilo limejikita katika kutoa elimu kwa wananchi kufahamu shirika hilo linavyotekeleza majukumu yake kwa mujibu wa sheria.

Amesema kuwa licha ya majukumu makubwa waliyonayo pia TASAC imeshiriki maonesho hayo ili kuwapa elimu wananchi kuhusu  fursa za biashara zilizopo katika Sekta ya Usafiri kwa njia ya Maji  sambamba na elimu kuhusu Usalama, Ulinzi na Utunzaji wa mazingira majini jukumu linalotekelezwa na Shirika hilo.

“TASAC tunashiriki maonesho haya ya Biashara Uwekezaji na Fursa mkoani Mtwara ili kutoa elimu kwa wananchi kuhusu majukumu yanayotekezwa Kisheria.  kama mdhibiti wa shughuli za usafiri kwa njia ya maji tunasimamia huduma zinazotolewa na Bandari, tunadhibiti na kusimamia ulinzi, usalama na utunzaji wa mazingira na kuratibu shughuli za uokoaji na utafutaji pale panapotokea dhoruba majini”

“Pia tunatoa elimu kwa wananchi wa Mtwara na wadau wa usafiri kwa njia ya maji katika jukumu letu la Udhibiti wa Safari kwa njia ya Maji na udhibiti Usalama, Ulinzi na Utunzaji wa Mazingira majini, wanaweza kufanya shughuli zao kwa usalama na kupata maendeleo na kuongeza pato la Taifa.” Ameeleza Myaka.

Kwa mujibu wa Sheria, TASAC ina wajibu wa kusimamia kazi mbalimbali ikiwa ni pamoja na kuhimiza usimizi na shughuli za uwakala wa meli wenye ufanisi, kuhimiza shughuli za bandari na huduma za meli zenye ufanisi, kuhakikisha kunakuwepo usalama na ulinzi wa shehena, kuhimiza na kutunza mazingira, usalama na ulinzi wa bahari, maziwa na mito.

Maonesho hayo ya Biashara, Uwekezaji na Fursa  ni maonesho ya Kwanza kufanyika Mkoani Mtwara yakiwa na lengo la kuwaleta pamoja wadau mbalimbali katika Sekta hiyo ili kubadilishana uzoefu wa kitaalamu na kujifunza biashara na uwekezaji wa kisasa pamoja na fursa zilizopo katika sekta hiyo na Mkoa wa Mtwara kwa ujumla.

Read More

NAIBU WAZIRI NISHATI AMEWATAKA TANESCO KUWA NA KITENGO CHA MASUALA YA JINSIA.

 Na Masala Komba Dodoma 

 

Naibu waziri wizara ya nishati Steven Byabato ameagiza shirika la umeme Tanzania kuwa na kitengo cha masuala ya jinsia (dawati la jinsia).

Mhe.Byabato ameyasema hayo  wakati akizungumza na waandishi wa habati pamoja na wadau mbalimbali ambapo amezindua programu ya usawa kazini  katika ukumbi wa morena jijini Dodoma.

Aidha amesema ni wajibu wa shirika kuweka mazingira rafiki na kuboresha mazingira kwa vijana wa like na wanawake ili kuweza kuwarahisishia kufanya kazi kwa urahisi bila kupata changamoto yoyote pindi wanapokuwa kazini.

Aidha amesema katika kipindi cha miaka mitano ijayo chama kitahakikisha kinaisimamia serikali katika kukuza usawa wa kijinsia na uwezeshaji wanawake kiuchumi.

"Ili kufikia hadma hii chama kitaelekeza serikali kuhakikisha sekta zote zinazingatia masuala ya jinsia katika shughuli zao pamoja na kuimarisha madawati ya kijinsia ili kuzuia ukatili wa kijinsia,kubuni,kuendeleza na kutekeleza mikakati ya ushiriki wa wanawake katika kufanya maamuzi ya kiuchumi hadi kufikia 50/50" Amesisitiza Naibu waziri Byabato.

Aidha amesema kifungu cha 230 cha ilani ya chama cha mapinduzi(CCM) ya 2020_2025 inasema chama kinatambua kuwa na usawa wa kijinsia kama sehemu ya utekelezaji wa ilani yake kwa binadamu wote sawa na wanastahili heshima na fursa sawa.

Ameongeza kuwa katika kipindi cha mwaka 2015_2020 miongoni mwa mafanikio yaliyopatikana ni pamoja na kuweka na kuimarisha mifumo ya haki za wanawake kwa kuanzisha madawati ya jinsia na watoto 420 katika vituo vya polisi pamoja na kuanzisha madawati hayo vyuo vikuu na taasisi za elimu ya juu madawati ya jinsia 162 yameanzishwa katika jeshi la magereza.

"Kumekuwa na juhudi za kupambana na vitendo vya rushwa ya ngono kupitia kampeni ya VUNJA UKIMYA iliyoratibiwa na taasisi ya kupambana na rushwa takukuru" Amesema Naibu waziri Byabato.

Kwa upande wake Mkurugenzi mtendaji Tanesco Ndg.Maharage chande amesema suala ya usawa wa kijinsia liko juu sana ambapo kipaumbele chao kama taasisi ni kuhakikisha wanawake wanaongezeka kwa kasi katika shirika lao.

Aidha amesema maeneo ya kimkakati yatakayopewa kipaumbele ni pamoja na kuiboresha sera ya shirika na kujenga uwezo ili sera iende sambamba na masuala ya kijinsia,kuwepo na taarifa sahihi zinazohusu masuala ya unyanyasaji wa kijinsia kwenye taasisi,kuruhusu fursa ya ukuzaji wa taaluma kwa wafanyakazi wanawake hasa wanaofanya kazi kwenye miradi pamoja na kuwepo kwa nafasi ya mafunzo kwa vitendo(intership)kwa wafanyakazi wanawake waliopo kazini ili kuwajengea uwezo kuelekea kwenye ajira kamili.

Naye Balozi Mwanaidi Sinare Maajar ambaye ni makamu mwenyekiti wa bodi amesema kuwa ni kweli kwamba masuala ya haki za jinsia inawahusu wanaume na wanawake yako katika nyanja mbalimbali ya serikali yetu.

Sanjari na hayo amesema kuwa hatutafikia maendeleo kama hatutazingatia wanawake has wa kwa kuzingatia sensa ya watu na makazi ambayo inaonyesha idadi kubwa ya wanawake ili kuleta usawa kazini.

Ameongeza kuwa ni wajibu wa kula mtu kuhakikisha kuwa hakuna vitendo vya kumdhoofisha mwanamke akashindwa kufanya kazi yake na pia kuhakikisha mifumo yote ni rafiki kwa wanawake ili kuwapa morali na wengine kuwa sekta ya nishati wanawake nao wanaweza na sio sekta ya nishati pekee bali nyanja zote.

Programu ya usawa kazini (Gender work program) kwa miaka minne 2023_2026  ni mradi uliofadhiliwa na benki ya Tanzania kupitia mkopo wa dunia wa gharama nafuu.

Read More

MCHUNGAJI DANIEL MGOGO HIZI NDOA HAZIWEZI KUDUMU

 Mchungaji na Mhubiri maarufu kutoka Tanzania Pastor Daniel Mgogo ametaja aina ya ndoa ambazo kwa mujibu wa mafundisho yake ndoa hizo haziwezi kudumu hata iweje.

Kwa mujibu wa Mchungaji Mgogo amesema ndoa lazima zibarikiwe na kiongozi wa kidini la sivyo ndoa hizo zitasambaratika tu. Mchungaji huyo alisema kuwa baadhi ya watu tayari wameoana bila ndoa zao kubarikiwa na sasa wanakimbilia kanisani kuwahadaa viongozi wa kidini ili kupata vyeti vya ndoa. "Msingi wa ndoa yako ni nini kama si uzinzi na uasherati? Na wakati mwingine mnatudanganya wachungaji, mnakuja mnasema tunataka kufunga ndoa. Kumbe mnataka kupata uhalali wa wizi wenu," Mgogo alisema.

Mhubiri huyo amewashauri vijana na wanandoa kuwa na subira na kufuata taratibu zote zinazohitajika kabla ya kufunga ndoa.

Pastor Mgogo aliwaasa wanandoa ambayo hawajaona kihalali kanisani kuweka wazi mahusiano yao kwa viongozi wa kidini na wakubali kuongozwa sala ya toba.

"Mchungaji awaongoze kwa sala ya toba. Awarudishe kundini abariki ndoa yenu, mfunge ndio mwende kwa mbwembwe. Mnakomaa na dhambi,Hamna hata aibu," Pasta Mgogo alishauri.

Read More

KAGERA NI SHWARI HAKUNA MAAMBUKIZI MAPYA YA UGONJWA WA MARBURG

 

Na. WAF - Ziara Mkoani Kagera, Bukoba

Waziri wa Afya Mhe. Ummy Mwalimu amefanya ziara ya kutembelea katika Kijiji cha Ntoma Wilaya ya Bukoba Mkoani Kagera kwa lengo la kujionea hali inavyoendelea baada ya kutangazwa kutokea kwa mlipuko wa ugonjwa wa Marburg Mkoani humo.

Katika Ziara hiyo, Waziri Ummy ameambatana na Mwakilishi Mkazi wa Shirika la Afya Duniani (WHO) Dkt. Zabron Yoti pamoja na Mwakilishi wa Shirika la UNICEF Bi. Shalini Bahuguna.

Aidha, Waziri Ummy amesema kwa sasa hali ni salama na kuwataka Wananchi wa kijiji hicho na watanzania kwa ujumla kuondoa hofu kwa kuwa Serikali inawajali Wananchi wake.

“Niwatoe hofu Watanzania tuendelee kufanya kazi zetu lakini tuzingatie maelekezo ya Serikali ya kujikinga na ugonjwa huu kwa kuepuka kushikana mikono hususan kipindi hiki lakini pia tujitahidi kunawa mikono mara kwa mara kwa maji tiririka na sabuni.” amesema Waziri Ummy

Hata hivyo, Waziri Ummy amesema kuwa Serikali chini ya Rais Dkt. Samia Suluhu Hassan inaendelea na juhudi za kuhakikisha ugonjwa huo unamalizika na hautatokea tena katika maeneo hayo.

Kwa upande wake Diwani wa Kata ya Kanyangele Bw. Hamim Hassan ameishukuru Serikali kwa kufanya juhudi kubwa ambapo hadi sasa hakuna mgonjwa yeyote aliyeongezeka kwa kuthibitika kuwa na ugonjwa huo.

“Hatua za Serikali kupitia Wizara ya Afya zilizochukuliwa za kuwaweka sehemu maalumu waliokuwa karibu na wagonjwa imesaidia sana kutoendeleza maambukizi kwingine na hali ni shwari kwa sasa.” amesema Bw. Hassan

Read More

*KINANA AWATAKA WAISLAM KUZINGATIA MAADILI MEMA.*

Makamu Mwenyekiti wa CCM Tanzania Bara, Kanali Mstaafu Abdulrahman Kinana, amewataka Waislamu kuzingatia mafundisho ya Mtume Muhammad (SAW) hususan kuhusu uchamungu na tabia njema.

Kinana ameyasema hayo leo Machi 25, 2023 wakati wa hafla ya mashindano ya Kuraani tukufu yaliyoandaliwa na Taasisi ya Faraja Foundation ya jijini Dar es Salaam.

""Tunaagizwa na Kuraani, pia tunaagizwa na Mtume wetu (Muhammad - S A.W) kuwa kila Mwislamu anapaswa kuzingatia mambo mawili lakwanza 'takwa' (uchamungu) na lapili 'akhlaki' tabia njema).

"Kwahiyo ukizingatia 'takwa' ukazingatia na maadili mema hakuna namna utapotoka, itakuwa hakuna haja hata ya sisi kuwa na wasiwasi kwamba maadili mabaya yanaweza yakatupitia," amesema Kinana.

Aidha, aliwahamasisha Waislamu nchini kuwapeleka watoto wao madrasa wakajifunze imani na maadili ya dini yao na kumjua Mwenyezi Mungu.

===

Read More

TANZANIA YAKABIDHI MISAADA YA KIBINADAMU KWA SERIKALI YA MALAWI

NA mwandishi wetu

Balozi wa Tanzania Nchini Malawi Mhe. Humphrey Polepole ameshiriki katIka zoezi la kukabidhi misaada ya Kibinadamu kutoka Tanzania kwa Serikali ya Malawi ili kusaidia wahanga wa Kimbunga Freddy.

Balozi amekabidhi misaada hiyo ya kibinadamu inayojumuisha Mablanket, Mahema, Unga wa Mahindi kwa Waziri wa Mambo ya Nje wa Malawi Mhe. Nancy Tembo katika Mji wa   Blantrey Nchini Malawi mapema leo 25/03/2023.

Balozi Polepole alibainisha kuwa  wa watanzania, na watu wa Malawi ni jamii moja, na Nia ni kuendekeza umoja uliojengwa na waasisi wa Nchi zetu.

 " Msaada huu wa kibinadamu  utasaidia, katika jitihada za kurejesha matumaini na ustawi kwa ndugu zetu Wananchi wa Malawi", Alisisitiza Balozi Polepole.

Aliongeza kusema kuwa ana imani na wapiganaji  wa Jeshi la Wananchi wa Tanzania walioenda  Nchini Malawi  watashirikiana na wenzao Wanajeshi wa Malawi, kuhakikisha kwamba misaada iliyotolewa inawafikia  Wahanga wa Kimbunga Freddy.  

Aidha, Tanzania imetoa madawa ya binadamu, ambayo yataweza kusaidia kwenye maeneo ambayo vituo vya afya vimeathirika. Hizi zote ni jitihada za kusaidia Nchi ya Malawi katika kurejesha huduma za afya.

 

"Tunamshukuru sana Mhe. Rais wa Jamhuri ya Muungano wa Tanzania Dkt. Samia Suluhu Hassan, kwa Msaada aliotoa kwa Nchi ya Malawi, kwa uwezeshaji wa fedha na wapiganaji wa Jeshi la Wananchi wa Tanzania (Wahandisi wa Medani) ambao watasaidia katika kurejesha hali ya miundo mbinu Nchini Malawi," alisema Balozi.

 

Kwa upande wake Waziri wa Mambo ya nje wa Nchi ya Malawi Mhe. Nancy Tembo amesema ameshukuru Nchi ya Tanzania kwa Msaada wa kibinadamu iliowapatia, ambao umefika katika wakati muafaka.

“Msaada huu ni muhimu kwetu kwa sababu tunao Wanachi wengi ambao makazi yao yameharibika, na tunahitaji msaada wa kila mtu ili kuhakikisha wahanga wa Kimbunga Freddy wanapatiwa huduma za msingi kwa wakati,” alisema Waziri Nancy

Aliongeza kusema Askari wa Jeshi la Wananchi wa Tanzania wamekuja kutusaidia na wataungana na askari wetu wa Nchini Malawi katika kurudisha miundo mbinu iliyoharibika katika hali ya kawaida.

“Nachukua fursa hii kumshukuru sana Rais wa Jamhuri ya Muungano wa Tanzania kwa kutusaidia katika wakati ambao tunahitaji msaada sana, janga hili ambalo limeathiri Nchi ya Malawi, limegharimu maisha ya watu, na limeharibu miundo mbinu” alisema Waziri Nancy.

Naye Mkurugenzi Msaidizi anayeshughulika na Operesheni pamoja na Uratibu wa shughuli za Maafa kutoka Ofisi ya Waziri Mkuu Sera Bunge Uratibu Luteni Kanali Selestine Masalamado ametoa pole kwa wananchi wa Malawi kwa Maafa ya Kimbunga Freddy.

Rais wa Jamhuri ya Muungano wa Tanzania alielekeza Ofisi ya Waziri Mkuu kupitia Idara ya Maafa kuratibu swala la misaada ya kibinadamu kwa ajili ya Wahanga  wa Kimbunga Freddy Nchini Malawi, ambapo kwa awamu ya kwanza helikopta mbili kutoka Jeshi la Wananchi wa Tanzania zilisafiri kuja Malawi kufanya kazi za wokozi,  lakini msaada wa pili ilikuwa ni msaada wa fedha kwa serikali ya Malawi na tatu ni kutoa msaada wa kibinadamu 

 kwa Wahanga wa Kimbunga Freddy.

 

Read More

*TANZANIA NA UNESCO KUDUMISHA MASHIRIKIANO SEKTA YA MAJI*

UNESCO- NEW YORK

Waziri wa Maji Mhe Jumaa Aweso amekutana na Naibu Mkurugenzi mkuu wa shirika la Umoja wa Mataifa UNESCO Bwana Xing Qu ofisi za UNESCO New York kwa lengo la kujadiliana juu ya mahusiano na mashairikiano katika usimamizi wa uendelezani wa Rasilimali za Maji na ushirikiano katika usimamizi wa Maji Shirikishi.

Waziri Aweso amewasilisha ombi la Tanzania kujengewa uwezo na UNESCO katika usimamizi na uendelezaji wa Rasilimali za Maji na utekelezaji wa miradi ya Maji, uandaaji wa maandiko ya Miradi na utafutaji wa fedha.

Aidha; Naye Naibu Mkurugenzi mkuu UNESCO Mr Xing Qu ameahidi ushirikiano katika maeneo ya kipaumbele kwa Afrika ikiwemo usimamizi wa Maji chini ya Ardhi, kujenga uwezo wa taasisi katika tathmini ya usimamizi wa Rasilimali za Maji.

 

 

 

 

Read More

MCHUNGAJI WAKRISTO TUMEZIDIWA MAARIFA NA WACHAWI

 Na. Kadala Komba Bahi

Daniel David Kikunile Mchungaji Kiongozi Mchungaji Daniel Kikunile wa Kanisa la Ufunuo na Uzima lililopo karibu na shule ya Msingi Bahi Misheni  Wilaya ya Bahi Jijini Dodoma  Amesema Sisi wakristo ni wazembe tunazidiwa maarifa na wachawi, Mfano Mchungaji,Mwinjilisti Ametumika kikamilifu katika huduma au karama aliyupowe na Mungu kwa Kazi aliyotumwa hapa Dunia tatizo linakuja pale Kazi yake ikiisha anakufa bila kuacha Mrithi wa huduma au karama aliyonayo.

 hayo alipokuwa Akihubiri kanisani hapo Jumapili wakati Akifundisha Somo la Fimbo ya Enzi ya Kitaifa ya Kichawi Sambamba na kuhitimisha Mfungo wa siku Saba wa kuombea Wilaya ya Bahi na vijiji vyake. UFUNUO 12:5

Mchungaji Kikunile Alisema njia pekee ya kufurahia wokovu na karama tulizopewa na Mungu ni kuwarithisha watu wetu wa karibu kile ulichopewa na Mungu amekupa bure na wewe toa bure, Maono ya Viongozi wengi wa Dini wamebeba Maono mengi juu ya huduma namna ya kufanya Kazi ya Mungu tatizo linakuja wanapotwaliwa basi na Maono yamekufa hakuna mtu wa kuyaendeleza wanaobaki wanashindwa sababu ahakufundishwa, kama ni huduma inayumba nyingine zinakufa kabisa na kusaulika kama kulikuwa na huduma ya namuna hiyo.
"Tofauti na Wachawi mchawi kabla ajafa anatafuta mtu wa kumrithi Kazi aliyokuwa anafanya ya kuloga watu, kama ni Mganga anatafuta mtu wa kumwachia tunguli, Mikoba yake na irizi zake Ili kile alichokuwa anakufa ya yeye kuendelee kufanyika hata kama yeye hayupo Tena katika Dunia Kazi aliyokuwa nayo ya kuharibu maisha ya watu inaendelea kufanywa na warithi wake Tena na kuzidi Alisema .

Aidha Mchungaji Kikunile Alisema Wakristo Mungu ametupa Neema Kubwa katika huduma zetu,tunacho chakula cha kutosha kulisha kondoo zetu sababu sisi ni Wachungaji ni haki yetu kulisha kondoo waliopo kwenye Zizi letu hata tukitwaliwa na Bwana leo tunakuwa hatuna mashaka kwa kile tulichokianzisha kinaendelea,Mavuno hayatakauka Shambani mwa Bwana maana Watendakazi wanafanya Kazi ile ile kama miujiza inaendelea kutendeka uponyaji unaendelea kama Yesu Kristo alivyofanya kwa Wanafunzi wake Aliwafundisha hata Yesu alipowaacha Wanafunzi waliendeleza Kazi ile ile aliyokuwa Anafanya Yesu.
" Viongozi wezangu Ambao tumepewa Neema ya kuchunga Kondoo nawakumbusha tuache Urithi kwajili ya Ukombozi wa Kizazi hiki na kijacho kama sisi tulivyo rithishwa kutoka kwa Adamu na Musa kwa jili ya Utukufu wa Bwana na Kazi yake Alisema .

Mwisho kabisa Mchungaji Kikunile Alitoa Wito kwa Wakristo wote nchini Kumpokea Bwana kama Kiongozi wa Maisha yao, Alisema Wakristo wengi wa sasa wanaabudu Dini wameacha upendo wa kweli wanasahau kwamba Dini yako haita kupeleka Mbinguni, Mbinguni atuendi na Dini zetu Dini ni utaratibu tu wa hapa Duniani kwamba tuwe na Dini lakini Mbinguni hakuna Dini usingangane na Dini Mpendwa icho sio cheti cha kuingia Mbinguni,  Wewe Ng'a ng'ania kumjua Mungu

 

a Yesu kupata wokovu Ili uende Mbinguni Alisema .

Picha Mchungaji Kiongozi wa Kanisa la Ufufuo na Uzima Akifundisha Somo la Fimbo ya Enzi ya Kitaifa ya Kichawi.

Washarika wa Kanisa hilo wakipiga makofi wakionekana kupendezwa na Somo hilo

Read More

MEJA JENERALI MBUGE “MIKOA IANZISHE TIMU YA WATAALAM YA KUKABILIANA NA MAAFA”

Na Mwandishi wetu- Dodoma

Mkurugenzi wa Idara ya Menejimenti ya Maafa Ofisi ya Waziri Mkuu Meja Jenerali Charles Mbuge  amewataka Wataalam  kuanzisha Timu Mtambuka ya Wataalam ya Kukabiliana wa Maafa kila Mkoa ambayo itarahisisha  mawasiliano ndani ya Mkoa wakati wa kukabiliana na dhahrura.

Meja Jenerali Mbuge ameyasema hayo wakati akifungua Kikao Kazi cha Kuweka Mkakati wa Kuanzisha Timu ya Wataalam ya Kukabilianana Maafa  Mkoa wa Dodoma (Dodoma Mult Agency Emergency Response Team – DoMAERT) kilichofanyika  Jijini Dodoma.

Amesema uwepo wa timu hiyo pia itasaidia kuunganisha nguvu kwa wadau waliopo ndani ya Mkoa na kuweza kutumia rasilimali zilizopo kuhakikisha maafa yanakabiliwa na wananchi kuwa katika mazingira salama.

“Nchi yetu imekuwa ikipata maafa mara kwa mara ambayo uratibu wake unahitaji kila Mkoa kuwa na Timu Mtambuka ya Wataalam ya Kukabiliana wa Maafa kwa mujibu wa Sheria ya Usimamizi ya Maafa Na. 6 ya mwaka 2022 na kanuni zake hivyo uundwaji wa timu hizo ni muhimu kwa usalama wa wananchi na mali zao,” Amesema Meja Jenerali Mbuge.

Pia Mkurugenzi huyo  amewasisitiza  washiriki kupitia kikao kazi hicho kuhakikisha kila mmoja  kwa nafasi yake anafahamu jukumu lake na  kulitekeleza kikamilifu pamoja na  tayari kwa ajili ya kukabiliana na maafa ndani ya Mkoa.

Katika hatua nyingine ameeleza Meja Jenerali Mbuge kwamba Idara ya Menejimeti ya Maafa Ofisi ya Waziri Mkuu  imeendelea kuchukua hatua za kupunguza madhara kwa kuhakikisha usimamizi na uratibu wa maafa na huduma za dharura zinatolewa kwa wakati kwa kuzingatia mipango, miongozo na mikakati ya kitaifa na kisekta.

“Idara ya Menejimenti ya Maafa kwa kuzingatia Sera ya Taifa ya Usimamizi wa Maafa ya Mwaka 2004 na Sheria ya Usimamizi wa Maafa, Na. 6 ya mwaka 2022 inaratibu na kusimamia masuala ya maafa nchini,”Amebainisha Mkurugenzi huyo.

 

Mkurugenzi wa Idara ya Menejimenti ya Maafa Ofisi ya Waziri Mkuu Meja Jenerali Charles Mbuge akifungua Kikao kazi cha Kuweka Mkakati wa Kuanzisha Timu ya Wataalam ya Kukabiliana na Maafa  Mkoa wa Dodoma (Dodoma Mult Agency Emergency Response Team – DoMAERT) kilichofanyika  Jijini Dodoma.

 

 

 

 

Read More

CHRISTINA SHUSHO AZIKWAPUA MILIONI 10 ZA NABII MKUU GEORDAVIE, AMUITA MFALME.

March 13, 2023 Staa wa muziki wa Injili nchini Christina Shusho alifika Kanisani kwa Nabii Mkuu Geordavie jijini Arusha kwa ajili ya Ibada, lakini akiwa katikati ya mazungumzo Shusho alianza kum-mwagia sifa Nabii huyo na baadae akamuomba kiasi cha pesa ili zimsaidie kwenye shughuli yake ya uzinduzi wa Album yake mpya itakayozinduliwa April 9, mwaka huu katika ukumbi wa Mlimani City akiwa yeye Rose Muhando, Martha Mwaipaja na wanainjili wengine.

Naye Nabii Mkuu Geordavie bila kupepesa macho aliinuka upesi ambapo kabla ya kutoa dau aliloombwa alimuomba Shusho aimbe kionjo cha wimbo wa "Nipe macho nione" ili asikie umwororo wa sauti yake, na baada ya Shusho kutii maamuzi hayo papohapo alipewa milioni 10 huku akisifiwa kuwa kilichomsukuma zaidi nabii kukubali kukwapuliwa pesa hizo ni sauti nyororo ya mwanainjili huyo.

"Wewe ni Mfalme, wewe ni Baba na si kwamba ni kujifanya wala kujipendekeza ila mimi ni mtoto wako mimi ni binti yako ninasikia Fahari nazungumza maneno haya kwa baba na nasikia nina nguvu ninaposema kitu kwa baba, siyo kitu kingine ni kazi ileile uliyotutia moyo kuendelea ndo hiyo tunaifanya, Baba natamani unipe nguvu"- alisema Christina Shusho.

Read More

TAHADHARI IMETOLEWA KWA WANANCHI KUJIKINGA NA MAJANGA YA MOTO

Na Sifa Lubasi Dodoma WANANCHI wametakiwa kuchukua tahadhari wanapotibu majeraha ya moto ili kupunguza uwezekano wa jeraha kuwa kubwa zaidi na kushindwa kutibika kwa wakati na hata kusababisha kifo Akizungumza leo kwenye maadhimisho ya miaka 70 ya Baraza la Uuguzi na Ukunga yanayofanyika katika viwanja vya Nyerere square,Ofisa Muuguzi Msaidizi Mwandamizi daraja la pili David Mpaguke kutoka hospitali ya Taifa ya Muhimbili (MNH) alisema majanga ya moto hutokea popote na wakati wowote Alisema kuwa ulimwenguni kote kila mwaka takribani watu milioni moja hutafuta matibabu kutokana na kuungua moto. Álisema kuwa hospitali ya Taifa ya Muhimbili kwa mwaka 2020 hadi 2022 imepokea na kulaza wagonjwa 225 walioungua mwa moto asilimia 87 walipona na asilimia 13 walikufa kutokana na sababu mbalimbali ikiwemo kucheleweshwa kufikishwa hospitali, mika na desturi ya jamii,Imani na changamoto za Uchumi. Álisema kuwa kitaalam mtu anapoungua amwagie jeraha maji safi ili kupunguza joto lisiathiri ngozi na misuli, Kisha apewe Panadol kwa ajili ya kutuliza maumivu na awahishwe hospitali "Majeraha madogo ya moto, haraka mwaga maji baridi juu ya ngozi iliyoungua kwa dakika 15 hadi 30 husaidia kupunguza joti lisiathiri ngozi na misuli,,Álisema Pia alisema kuwa ulaji wa vyakula vingi vyenye virutubishi vikiwemo protini ya ziada vinahitajika kusaidia kidonda cha moto kuponai "Mgonjwa apatiwe vyakula vya profini ili Kujenga mwili ili nyama ziwe zinajengwa pia kufanya mazoezi ili kuzuia ulemavu unaoweza kutokea," alisema Álisema kuwa kama majeraha ya Moto Ni makubwa mgonjwa hufanyiwa upasuaji wa kupandikizwa ngozi. Álisema kuwa kumekuwa na njia mbalimbali za asili za kutibu majeraha ya Moto lakini nyingi so salama.

Baadhi ya wananchi wakiwa kwenye moja ya mabanda kwenye maadhimisho ya miaka 70 ya Baraza la Uuguzi na Ukunga yanayofanyika katika viwanja vya Nyerere square Jijini

Read More

SEKTA YA UTALII INACHANGIA ASILIMIA 17% PATO LA TAIFA NA 20% FEDHA ZA KIGENI.

Na Moreen Rojas, Dodoma. Kamishna msaidizi mwandamizi Jeshi la uhifadhi ofisi ya kiunganishi TANAPA Dodoma Dkt.Noelia Myonga amesema sekta ya utalii inachangia asilimia 17% ya pato taifa na asilimia 20% ya fedha za kigeni. Dkt.Noelia ameyasema hayo wakati akizungumza na waandishi wa habari jijini hapo na kutoa ufafanuzi kuhusiana na TANAPA na namna gani waandishi wanaweza kutumia kalamu zao vizuri ili kuelimisha jamii juu ya sekta nzima ya utalii. "Tujitahidi sana kwenye kalamu zetu kuandika habari zinazotuletea tija na Mungu atawabariki mkitumia kalamu zenu vizuri kwa kuandika ukweli na sio kupotosha kwani mkipata elimu nyie nawanachi wataelimika kupitia nyie kama kioo cha jamii" Aidha amesema kuwa malengo yao kama TANAPA ni hadi kufikia mwaka 2025 Tanzania iwe imeshatembelewa na watalii milioni tano(5) ikiwa pia ni lengo la serikali ya awamu ya sita chini ya Dkt.Samia Suluh Hassan ambaye amefungua njia kwa watalii kuja Tanzania na kuonyesha nia ya dhati na sekta hii ya utalii. "Tunatoa elimu ya uhifadhi na kutoa elimu ya kuhamasisha utalii wa ndani kwa jamii kila mtu kwa nafasi yake anatakiwa avisemee vivutio vyetu ili wananchi waweze kuvijua kwa maana ya watalii wa ndani na watalii wa nje"Amesema Dkt.Noelia Aidha amesema kazi yao ni kuhifadhi rasilimali zote zilizopo chini ya TANAPA huku TFS wenyewe wamejikita kwenye mambo ya misitu,kuna sheria inayotutofautisha na hizo mamlaka nyingine lakini hawa wote TAWA na TFS tunafanya nao kazi kwa ukaribu,kushirikiana pamoja na kushauriana. " Niwapongeze waandishi wa habari kwa kuweza kujitoa kufanya habari za utalii,kutangaza vivutio vyetu tena kwa kuamua kujilipia wenyewe kwenda kujionea vivutio vyetu jambo ambalo halijawahi kutokea nawapongeza sana" Amesisitiza Dkt.Noelia Aidha Dkt.Noelia ametaja baadhi ya hifadhi zinazopatikana Tanzania na sifa zake;Serengeti ni hifadhi maarufu kwa wanyama wa hamao nyumbu na wanyama wanaoonekana kwa urahisi kwani ni uwanda mpana,Ziwa Manyara inasifika kwa kuwa na simba wanaopanda miti pamoja na ndege ni hifadhi pekee inayopatikana bonde la ufa,Tarangire inasifika kuwa na tembo wengi pamoja na mibuyu mingi,Arusha national park inasifika kwa kuwa na mlima meru pamoja na utalii wa kupiga picha,Kilimanjaro Mlima mrefu afrika kivutio kikubwa kwa watalii mbalimbali,Mkomazi imepandishwa daraja kutoka pori la akiba,faru na wanyama wengine wanapatikana,Saadani Pwani hii inasifa ya kipekee kwani kuna kivutio ambacho hakiko kwenye vivutio vyovyote Tanzania ni kasa wa kijani,Mikumi inasifika kuwa na nyati wengi lakini na wanyama wengine wapo pia,Zuri kuwa na mbega wazuri wanaovutia,Ruaha wanyama wengi na idadi ya watalii wanaoenda ni wachache kwahiyo husababisha watalii wengi kwenda,Kitulo kuwa na maua mengi sana na madhari nzuri,Katavi wanyama wengi na watalii ni wachache,Bonde mahale Sokwe mtu wanapatikana kwa wingi pembezoni mwa ziwa Tanganyika,Rubondo kumekuwepo na samaki aina mbalimbali wapo wanyama wote kama tembo,sokwe mtu pamoja na ndege aina nyingi. "Shughuli za utalii zinasaidia kukuza pato la wananchi kwani wenye mahoteli wanapata wageni pamoja na kununua bidhaa kwenye maduka hivyo kuchangia pato la mtu mmoja mmoja na taifa kwa ujumla" Hifadhi zinazoongoza kwa utalii wa ndani ni pamoja na Saanane,Saadani,Mikumi,Manyara,Kilimanjaro na nyingine zinajitahidi. MWISHO.

Dkt.Noelia Myonga Kamishna msaidizi mwandamizi Jeshi la uhifadhi ofisi ya kiunganishi TANAPA Dodoma

Baadhi ya waandishi wa habari mkoani Dodoma

Read More

OVERCOMING REJECTIONS

Assistants to Minister of State in President’s Office (Planning) initially rejected me, saying “the boy is too young for the post.” Later on, they all became my trusted friends. The Permanent Secretary in the same office, Ambassador Fulgence Kazaura too asked, “wasn’t there another choice,?” He went on to regard me as one of his trusted assistants. The late Jonas Mwasumbi, formerly a journalist with Tanzania’s Daily News (Mbeya Press Club) also rejected me. He thought I could not teach on the programme sponsored by the then United States Information Services (USIS). He looked at the physique. Despite the assurance by my Principal (Gervas Moshiro) at Tanzania School of Journalism (TSJ) that “this man is the best tutor of the year at this college,” he was not satisfied. I went to train on the programme. My recommendations produced great media cadres. One of them still works with BBC in Dar es Salaam and another is assistant to (Tanzania’s) Finance Minister. I know what rejection means. Lord Jesus Christ (our example) was there too. (He came out triumphantly). HIDDEN TRUTH ABOUT LORD JESUS CHRIST, by Derek Murusuri, pp 106 & 107. Available at TPH BOOKSHOP Samora Avenue, Dar es Salaam, Victory Bookshop Dodoma, Capital Bookshop opposite NMB/Little More Dodoma, Morogoro Bookshop near CRDB Mazengo Branch Morogoro, Citymax Bookshop Iringa, Capital Bookshop, New Safari Hotel, Boma Road Arusha or call 0787 17 67 67.

Read More

TUIMARISHENI UFANISI KATIKA UTENDAJI KAZI – DKT. YONAZI

Na. Mwandishi Wetu – Dodoma. KATIBU Mkuu Ofisi ya Waziri Mkuu Sera Bunge na Uratibu, Dkt. Jim Yonazi, amewataka watumishi wa Ofisi hiyo kuimarisha ufanisi katika utendaji kazi wa kila siku ili kufanikiwa katika kufikia malengo ya Serikali. Ameyasema hayo mapema leo Machi 9, 2023 katika hafla ya makabidhiano ya Ofisi na aliyekuwa katibu Mkuu wa Ofisi hiyo Dkt. John Jingu, ambaye kwa sasa ni Katibu Mkuu Wizara ya Maendeleo ya Jamii, Jinsia Wanawake na Makundi Maalum. “Endelezeni ushirikiano katika maeneo yenu ya kazi na naamini kuwa, kila mtumisi ni kiongozi katika eneo lake, na hili linaweza kuleta tija katika utendaji na kuwaletea Faraja watanzania tunaowahudumia katika nchi yetu.” Alisistiza Dkt. Yonazi Dkt. Yonazi aliendelea kuwaasa wafanyakazi hao, kufanya kazi kwa ushirikiano, upendo na amani ili kuleta matokea chanya. “Naamini tutaendelea kushirikiana namimi na mnipe mawazo yenu katika utendaji wetu, tuweke juhudi zetu, kwani tuna kazi ambayo Mhe Rais wa Jamuhuri ya Muungano wa Tanzania ametupa nafasi na tuitumie kwa ushindi.”alisisitiza. Kwa hatua nyingine akizungumza na wajumbe wa menejimenti ya ofisi hiyo mara baada ya makabidhiano rasmi ya ofisi aliwaasa kuwa vielelelezo na kuwaongoza wengine kwa upendo, umoja, amani huku wakitumia nafasi zao katika kujali kila mtumishi katika nafasi yake pasipo kuwabagua. “Niwaombe viongozi wote, tuchukie kuongoza watumishi wasio na furaha, wapeni watu nafasi na kuwaheshimu kwa kuelewa tabai zao na kuchukuliana mapungufu tukiamini kuwa umoja ni nguvu utengano ni dhaifu,”alisema Dkt. Yonazi. Awali, akiongea katika makabidhiano hayo aliyekuwa katibu Mkuu wa Ofisi hiyo Dkt. John Jingu, ambaye sasa ni Katibu Mkuu wa Wizara ya Maendeleo ya Jamii, Jinsia Wanawake na Makundi Maalum, aliwashukuru Menejimenti na watumishi wa Ofisi ya Waziri Mkuu Sera Bunge na Uratibu kwa kushirikiana naye vizuri kwa kipindi chote alichotumikia Serikali katika Ofisi hiyo na kuwaomba kuendelea na moyo huo wa ushirikiano. Kwa Upande wake Mwenyekiti wa TUGHE katika Ofisi Hiyo Bi. Numpe Mwambenja akitoa shukrani kwa niaba ya Watumishi wa Ofisi hiyo alimshukuru Katibu Mkuu Dkt Jingu kwa kuwajengea ujasiri na kuondoa uwoga katika utekelezaji wa majukumu yao ya kila siku. =MWISHO=

Katibu Mkuu Ofisi ya Waziri Mkuu (Sera Bunge na Uratibu) Dkt. Jim Yonazi akizungumza na watumishi

Mwenyekiti wa TUGHE Tawi Ofisi Hiyo Bi. Numpe Mwambenja akitoa shukrani kwa niaba ya Watumishi wa Ofisi hiyo alimshukuru Katibu Mkuu Dkt Jingu kwa kuwajengea ujasiri na kuondoa uwoga katika utekelezaji wa majukumu yao ya kila siku.

Aliyekuwa katibu Mkuu wa Ofisi ya Waziri Mkuu Dkt. John Jingu (kushoto) ambaye sasa ni Katibu Mkuu wa Wizara ya Maendeleo ya Jamii, Jinsia Wanawake na Makundi Maalum akizungumza wakati wa kuwaaga wajumbe wa menejimenti wa Ofisi ya Waziri Mkuu mara baada ya hafla ya makabidhiano ya ofisi.

Sehemu wa wajumbe wa Menejimenti ya Ofisi ya Waziri Mkuu wakimsikiliza Katibu Mkuu Ofisi ya Waziri Mkuu (Sera Bunge na Uratibu) Dkt. Jim Yonazi wakati wa hafla ya makabidhiano ya ofisi na aliyekuwa katibu Mkuu wa Ofisi ya Waziri Mkuu Dkt. John Jingu.

Read More

WAFANYABIASHARA WANAOANZA BIASHARA WAMERUSIWA KUFANYA BIASHARA MIEZI 6 BIRA KULIPA KODI

Na Kadala Komba , Kondoa WAZIRI wa Viwanda na Biashara Dk Ashatu Kijaji amésema kuwa Rais Samia Suluhu Hassan ametoa kibali cha kuruhusu wafanyabiashara wanaoanza biashara kutokulipa kodi kwa kipindi cha miezi sita hadi mwaka moja "Rais ametoa kibali ,wale wanaoanza biashara kufanya biashara miezi sità hadi mwaka moja ndipo waanze kulipa Kodi," alisema. Álisema hayo Jana wakati wa maadhimisho ya siku ya wanawake duniani yaliyofanyika kimkoa katika wilaya ya Kondoa Mkoani Dodoma Álisema kuwa jambo hilo linaonesha ni jinsi gani Rais Samia Suluhu Hassan anawajali wananchi wake Ni vyema kila mmoja akäuunga mkono juhudi za Rais katika kuwaletea wananchi maendeleo. . Pia aliwataka wananchi kuachana na mikopo umiza na Ile ya kausha damu kwani imekuwa ikiumiza wananchi. kutokana na kuwa na riba kubwa. "Halmashauri zimekuwa zikitoa mikopo ya asilimia nne, wananchi Muende mkope huko pia Rais ametoa fedha kwenye Shirika la Kuhudumia Viwanda Vidogo (Sido) ambapo mikopo hutolewa kwa riba ya asilimia tisa, Muende Sido mkachukue mikopo na kupatiwa mafunzo ya biashara," alisema. Álisema kuwa mikopo yenye riba kubwa imekuwa ikiumiza wananchi huku wakiwa hawapati faida yoyote. Pia aliwataka wanawake wanaofanya biashara mipakani kufuata sheria na taratibu. "Kama unataka kufanya Biashara mpakani kachukue hati ya kusafiria ili kufanya biashara kihalali,Kuna malalamiko ya wanawake wanaokamatwa kwa kufanya biashara mipakani bila kuwa na vibali"alisema. kwa upande wake Katibu wa Chama Cha Mapinduzi (CCM) mkoa wa Dodoma Pili Mbanga alisema kuwa Sasa Kuna janga kubwa kwa watoto wa kiume na ndoa za jinsia moja. " Tujitahidi kuwalea watoto katika mazuri bila hivyo tutakuwa tunatengeneza taifa chenye kizazi cha ajabu , tusiwe bize na biadhara na kazi tuangalie pia malezi ya watoto" alisema. Jaji Mstaafu ambaye pia ni mwenyekiti wa Tume ya Haki za Binadamu na Utawala Bora Mathew Maimu alisema kuwa palipo na mwanamke Kuna amani pia kuna uwepo wa Mungu . aliwataka wanawake kuendelea kupigania haki zao . "Tuendelee kumuunga mkono Rais na viongozi wote, tusrudi nyuma tuendelee kukaza buti badala ya kutembea tukimbie," alisema. . Mgeni rasmi katika maadhimisho hayo mkuu wa mkoa wa Dodoma Rosemary Senyamule Álisema bado wanawake ni wachache katika ngazi mbalimbali za uongozi. Pia aliwataka wanawake kutumia fursa za kiuchumi zilizopo katika mkoa wa Dodoma ili kujiongezea kipato mwisho.

Read More

ASKOFU MWAKIPESILE AKABIDHIWA GARI LA UTUMISHI

Na Johndickson Gaudin,Dodoma Wakati Tanzania na Dunia ikiazimisha siku ya wanawake duniani kama ilivyo tamaduni ulimwenguni kote siku ambayo huadhimishwa kila ifikapo machi 8 ya kila mwaka ,Askofu Mkuu wa kanisa la EAGT Brown Mwakipesile ameeleza mchango wa wanawake katika jamii na kanisa kwa ujumla ambapo amesema kama nchi upo mfano mzuri wa kuutazama kupitia Rais Dkt Samia Suluh Hassan ambaye amekuwa mfano mzuri kwa wanawake wengine nchini. Ameyasema hayo katika mahojiano na waandishi wa habari mara baada ya hafra fupi ya kumkabidhi Askofu huyo Gari kwaajili ya kazi ya kanisa iliyo fanyika Jijini Dodoma hii leo machi 8 2023 katika uwanja wa Makao Makuu ya EAGT. Aidha amewakumbusha wanawake wote nchini kujali malezi ya watoto na kuacha tabia yakuwaruruhusu watoto kuzurura na kushidwa kujua watoto wanafanya nini kwa wakati gani “Wanamke inabidi watambue wajibu wao wa kulea kwakuwa wao ndiyo wanajua uchungu wa mtoto kwamaana wana beba mimba miezi tisa atukatai kuwepo kwa majukumu lakini yasipitilize kiasi cha kuwasahau watoto . Kile kinachokuwa chema kinakuwa na mipaka yake lazima tuwe na mipangilio ya maisha yetu tujue tunacho paswa kufanya tusiwe kawa wanyama ambao wanaweza kufanya kila kiytu”, amesema. Katika hatua nyingine Askofu huyo amesema wao kama kanisa wanaendelea kuubili na kufundisha neno la mungu ili mwanadamu abaki kumuheshimu mungu na kutambua wajibu wake kwaajili ya kumtumikia mungu.

Gari alilokabithiwa Askofu Mkuu wa kanisa la EAGT Brown Mwakipesile na Kanisa kwenye ofisi za EAGT Kisasa Meriwa

Askofu Mkuu wa kanisa la EAGT Brown Mwakipesile Akizungumza na Waandishi wa habari namna alivyo pokea Zawadi ya Gari

Viongozi pamoja na wachungaji wa kanisa la EAGT Wakikabithi Gari Askofu Brown Mwakipesile

Read More