WAZIRI MHAGAMA AMEWATAKA WANANCHI KUTUMIA MVUA ZA EL_NINO VIZURI

Na Moreen Rojas,
Dodoma.

Waziri wa nchi,ofisi ya waziri mkuu,sera,bunge na uratibu Mhe.Jenista J.Mhagama ametioa wito kwa umma kutumia vizuri mvua za EL_NINO vizuri ili ziwe na manufaa kupitia shughuli za uzalishaji mali kama kilimo.

Waziri Mhagama ameyasema hayo wakati akitoa taarifa kwa vyombo vya habari jijini Dodoma kueleza hatua za kuchukua kwa umma,kamati za usimamizi wa maafa na sekta kufuatia taarifa ya uwepo wa EL_NINO wakati wa mvua za msimu wa vuli,oktoba_disemba 2023.

Aidha amesema kuwa pamoja na madhara yanayoweza kujitokeza ni vizuri kuandaa mabwawa na malambo kwa ajili ya kuvuna maji,kupanda mazao yanayohitaji maji mengi kama vile mpunga,uzashaji wa samaki na kuandaa na kuhifadhi malisho ya mifugo.

"Madhara yanayoweza kutokea katika sekta kutokana na uwepo wa El_Nino utakaosababisha mvua kubwa ni mafuriko kuharibu miundombinu,madhara ya kiafya,kiuchumi,kijamii na upotevu wa mali,maporomoko ya ardhi kuathiri makazi,mazingira,mashamba,usafiri,na shughuli zingine hususani uchimbaji madini,magonjwa ya milipuko kwa binadamu na wanyama na wadudu waharibifu wa mazao na mimea" Amesisitiza Mhe.Mhagama.

Aidha ameongeza kuwa tarehe 24 agosti 2023,mamlaka ya hali ya hewa Tanzania(TMA) ilitoa utabiri wa mwelekeo wa mvua za msimu wa vuli kwa kipindi cha mwezi oktoba hadi disemba 2023,utabiri umeonesha uwepo wa El_Nino itakayosababisha vipindi vya mvua kubwa kwa mwezi oktoba mpka disemba 2023 na kuendelea mpka mwezi januari 2024.

Aidha msimu wa vuli ni mahususi kwa maeneo yanayopata misimu miwili yavua kwa mwaka unahusisha maeneo ya mikoa ya Kagera,Geita,Mwanza,Shinyanga,Kusini mwa mkoa wa Simiyu,Kaskazini mwa mkoa wa Kigoma,Dar es Salaam,Tanga,Pwani(ikiwemo visiwa vya Mafia) na Kaskazini mwa mkoa wa Morogoro.

"Kwa kuzingatia sheria za usimamizi wa maafa namba 6 ya mwaka 2022 na kanuni zake,kamati za usimamizi wa maafa za mikoa,wilaya kata na vijiji au mitaa zinaelekezwa kuchukua hatua kwa lengo la kuzuia na kupunguza madhara ya majanga na kujiandaa kukabili na kurejesha hali endapo maafa yatatokea serikali inaelekeza kamati za usimamizi wa maafa na sekta kushirikiana na umma kutambua maeneo hatarishi na yenye viashiria vya kuathirika na maafa na kuandaa mipango ya kuzuia madadha na kukabiliana na maafa endapo yatatokea,kuanisha na kuandaa rasilimali za usimamizi wa maafa kwa kila sekta kushiriki kikamilifu katika eneo lake,kuandaa mipango ya kuzuia milipuko ya magonjwa kwa binadamu,wanyama na mimea"

"Kuhifadhi mazingira na kulinda miundombinu ya barabara,maji,umeme,na mawasiliano ili kupatikana huduma wakati wote,kuelimisha wananchi juu ya hatua za kuchukua tahadhari ili kuokoa maisha na mali,kutoa taarifa kwa haraka kwa mamlaka husika kuhusu dalili za kutokea maafa na yanapotokea maafa pamoja na kuhama kwenye maeneo hatarishi na kutekeleza shughuli za kiuchumi na kijamii katika maeneo salama"

Aidha madhara ya mvua kubwa yanaweza kujitokeza katika mikoa ambayo haihusiki na mvua hizi za vuli,hali hii inatokana na mazingira ya kijiografia ya nchi yetu kuwa na mabonde,mabwawa na mito mikubwa ambayo inapokea maji mengi kutoka kwenye mikoa iliyopo katika uwanda wa milimani,hivyo wananchi wote wanaoishi na kuendesha shughuli za kiuchumi maeneo ya uwanda wa chini na pembezoni mwa mabonde ya maji wanatahadharishwa kuchukua hatua ili kunusuru maisha na mali zao.

Ofisi za waziri Mkuu itaendelea kuratibu na kusimamia utekelezaji wa shughuli za usimamizi wa maafa nchini kwa kuzingatia Sera ya taifa ya menejimenti ya maafa 2004,sheria ya usimamizi wa maafa na 6 ya mwaka 2022,pamoja na maelekezo ya ilani ya uchaguzi ya chama cha mapinduzi 2020_2025 na mikakati,mipango na miongozo.

Waziri wa nchi,ofisi ya waziri mkuu,sera,bunge na uratibu Mhe.Jenista J.Mhagama akitoa taarifa kwa vyombo vya habari jijini Dodoma

MATUKIO YA PICHA KATIKA MKUTANO WA WAZIRI MHAGAMA NA VYOMBO VYA HABARI JIJINI DODOMA

Read More

MAONESHO YA MADINI YAUFUNGUA MKOA WA LINDI

 Ruangwa - Lindi

Maonesho ya Kwanza ya Madini na Fursa za Uwekezaji yanayoendelea Mkoani Lindi yametajwa kuufungua mkoa huo kiuchumi na kuongeza fursa mbalimbali za uwekezaji katika Sekta ya Madini.

Hayo yamebainishwa na Waziri wa Madini Dkt. Doto Biteko Agosti 25, 2023 Mkoani Lindi alipotembelea maonesho hayo na kuzungumza na wadau wa Sekta ya Madini wanaoshiriki maonesho hayo.

Dkt. Biteko amesema, maonesho yamewakutanisha wadau mbalimbali wa Sekta ya Madini kutoka nchi zaidi ya 10 waliofika kujifunza na kuangalia fursa za uwekezaji katika mkoa huo.

Mbali na Tanzania  wageni wengine walioshiriki wametoka katika Nchi ya China, Marekani, Canada, Australia, Japan, Srilanka na Finland.

"Naomba kutoa wito kwa wananchi wa Lindi kutoa ushirikiano kwa wawekezaji  wanaofika kuwekeza nchini ili kwa pamoja tunufaike na uchimbaji wa rasilimali madini," amesema Dkt. Biteko.

Katika hatua nyingine, Dkt. Biteko amesisitiza kuwa shughuli na biashara katika Sekta ya Madini zifanywe na Watanzania wenye sifa ili wazawa wanufaike na  uchumi wa madini na hatimaye kuongeza mchango wa Sekta katika  Pato la Taifa.

Naye, Meneja wa Huduma ya Jiolojia kutoka Taasisi ya Jiolojia na Utafiti wa Madini Tanzania (GST) Solomon Maswi akitoa wasilisho katika Maonesho ya Kwanza ya Madini na Fursa za Uwekezaji Wilayani Ruangwa Mkoa wa Lindi. Maswi amesema GST imechora ramani ya Jiolojia ya Mkoa wa Lindi na nchi nzima kuonesha fursa mbalimbali zilizopo kuanzia ngazi ya mkoa na nchi nzima ambayo inapatikana kwa lugha ya Kiswahili.

Aidha, Maswi amesema kuwa GST imefanya Utafiti wa awali na kuja na mapendekezo ya Madini Mkakati 31 na Madini Muhimu 11 kwa nchi nzima ambapo Mkoa wa Lindi una Madini Mkakati sita ambayo ni Chuma, Kinywe, Dhahabu, Shaba, Magnesite, Shaba pamoja na Madini Muhimu manne ambayo ni Jasi, Chokaa, Chumvi na Chuma.

Vile vile, Mtendaji Mkuu wa Shirika la Madini la Taifa (STAMICO) Dkt. Venance Mwasse amesema, shirika hilo limetelekeza majukumu mbalimbali hususan katika ujenzi wa kiwanda kikubwa cha kusafisha chumvi ili kupata soko la uhakika mkoani Lindi.

Kwa upande wake, Afisa Madini Mkazi Mkoa wa Lindi Mhandisi Iddi Msikozi amesema lengo la maonesho ya Madini Lindi ni kuonesha dunia kwamba Tanzania kuwa imebarikiwa kuwa rasilimali Madini za kutosha na wadau wamekaribishwa kuwekeza katika mkoa huo ili Watanzania wanufaike na uchumi wa madini.

Wengine waliotoa mada katika maonesho ni pamoja na Kamishna wa Madini Dkt. AbdulRahman Mwanga, Kaimu Mkuu wa Mkoa wa Lindi Hassan Ngoma,  Mjiolojia kutoka Chuo Kikuu cha Dar es Salaam Dkt. Japhet Fungo, Mjiolojia kutoka Chuo Kikuu cha Yunnan Prof. Xuance Wang na Katibu Mkuu Umoja wa Wachimbaji wa Madini  (UVIWAMA) Castory Mtonga.

 

Read More

WAZIRI MHAGAMA APOKEA MWONGOZO WA KITAIFA

 

Na; Mwandishi wetu - Dodoma

Waziri wa Nchi, Ofisi ya Waziri Mkuu nayeshugulika na Sera, Bunge na Uratibu Mhe. Jenista Mhagama, Amepokea Rasimu ya kwanza ya Mwongozo wa Kitaifa wa Ufuatiliaji na Tathmini ya Utendaji wa Shughuli za Serikali katika Taasisi za Umma.

Akipokea Rasimu hiyo, tarehe 24/08/2023 Jijini Dodoma, Waziri Mhagama alisema Mwongozo wa Kitaifa wa Ufuatiliaji na Tathmini ya Utendaji wa Shughuli za Serikali Nchini, Utasaidia kuwa na matokeo ambayo yanaendana na programu na Miradi iliyopangwa kutekelezeka ndani ya Taifa, na Itasaidia Serikali kujipangia Programu zenye matokeo chanya.

 “Tunaweza tukawa na matokeo yakawa hasi, ama mradi usifanye vizuri, ila tukiwa na Mwongozo mzuri basi utatusaidia ndani ta Taifa kuwa na matokeo mazuri yaliyowekwa kutokana na Utekelezaji wa mradi Husika” alibainisha.

Sambamba na hilo, alisema kuwa, mwongozo huu utafikisha Taifa mahali ambapo dhana ya uwajibikaji wa hiari na uratibu wa Pamoja itafikiwa na kujifanyia tathmini katika usimamizi na utekelezaji wa programu, zilizopo nchini na Usimamizi mzuri wa Rasilimali watu na Rasilimali fedha kwenye Serikali kuu, Taasisi na Serikali za Mitaa.

Aidha, Mhe. Waziri Mhagama Alisema ana Imani kuwa Muongozo huu, utasaidia kuimarisha Utawala Bora na kuendelea kusema kuwa, bila Utawala bora hakuna kizuri kitakachofanyika, katika dhana nzima ya kutelekeza kazi za kila siku akitolea mfano dhana ya uwajibikaji na mapambano dhidi ya rushwa.

“Tunatarajia kuwa Mwongozo huu Utatusaidia kutekeleza Dira ya Taifa ya Maendeleo, Ilani ya Uchaguzi ya Chama Tawala na Mpango wa Maendeleo wa Muda Mrefu na muda Mfupi.” Alihimiza.

Aliongeza kusema kuwa Mwongozo huu utasaidia kukamilisha programu na miradi Pamoja na  kufikisha huduma kwa wananchi  kwa wakati na viwango vinavyotarajiwa na kuokoa Rasilimali fedha kwa kiasi kikubwa.

“Nauona huu Mwongozo ni kitu cha Muhimu na kipekee,Tunataraji mwongozo huu utusaidie ndani ya Serikali kupanga miradi na program zetu kwa kuzingatia vipaombele tulivyonavyo, kwenye Sekta, Taasisi, Mashirika ya Umma na wakala lakini hata kwenye Sekta Binafsi sababu wale ni washiriki wetu kimaendeleo.” Alifafanua

Kwa upande wake Mwenyekiti wa Kikosi Kazi cha kuandaa Mwongozo wa Kitaifa wa Ufuatiliaji na Tathmini ya Utendaji wa Shughuli za Serikali Dkt. Fransis Mwaijande, alisema Uandaaji wa Mwongozo huo umetokana na kuiwezesha Ofisi ya Waziri Mkuu kutekeleza jukumu la Kikatiba ambapo limeainishwa katika Katiba ya Jamhuri ya Muungango wa Tanzania Ibara ya 52 fungu cha 1-3 ya mwaka 1977, mbayo inaipa Ofisi ya Waziri Mkuu Mamlaka ya Kusimamia Shughuli za Serikali ikiwemo Ufuatiliaji na Tathmini wa Sera Mipango, Miradi na Programu za Maendeleo na Utendaji wa Shughuli za Serikali kwa Ujumla.

Awali, Akiongea wakati wa wasilisho la Mwongozo huo, Mkurugenzi wa Idara ya Ufuatiliaji na Tathmini kutoka Ofisi ya Waziri Mkuu Sera, bunge na Uratibu Bi. Sakina Mwinyimkuu alisema, rasimu hiyo ya Mwongozo wa Ufuatiliaji na Tathmini ni miongoni mwa document ambayo itatumika wakati wa kongamano la pili la Kitaifa Ufuatiliaji na Tathmini litakalofanyika Mwezi Septemba Mkoani Arusha.

 

Waziri wa Nchi Ofisi ya Waziri Mkuu (Sera, Bunge na Uratibu) Mhe. Jenista Mhagama akizungumza baada ya kupokea taarifa kuhusu maandalizi ya Rasimu ya mwongozo wa Kitaifa wa Ufuatiliaji na Tathimini katika Taasisi za Umma kikao kilichofanyika katika Ukumbi wa Ofisi hiyo Jijini Dodoma.

Naibu Katibu Mkuu Ofisi ya Waziri Mkuu (Sera, Bunge na Uratibu) Bw. Anderson Mutatembwa akifuatilia kikao cha kupokea taarifa kuhusu maandalizi ya Rasimu ya mwongozo wa Kitaifa wa Ufuatiliaji na Tathimini katika Taasisi za umma kilichofanyika katika Ukumbi wa Ofisi hiyo Jijini Dodoma.

Baadhi ya Wakurugenzi wa Idara na Wakuu wa Vitengo Ofisi ya Waziri Mkuu (Sera, Bunge na Uratibu) pamoja na kikosi kazi wakifuatilia kikao cha kupokea taarifa kuhusu maandalizi ya Rasimu ya mwongozo wa Kitaifa wa Ufuatiliaji na Tathimini katika Taasisi za umma kilichofanyika katika Ukumbi wa Ofisi hiyo Jijini Dodoma.
 

 

 

 

 

Read More

WAKULIMA WATUMIA FURSA KUJIFUNZA MBINU ZA KILIMO CHA KISASA SIKU YA MKULIMA SHAMBANI ARUSHA

MATUKIO YA PICHA 18 AUGUST 2023  SIKU YA MKULIMA MKOANI ARUSHA  KIJIJI CHA OLDONYONG’RO KINGORI.

 Na. Mwandishi wetu Arusha

 

 

Zana Bora  za Kisasa katika Kilimo ya Mtama na Karanga 

 

  

Mkurugenzi Mkuu wa Kampuni ya Alssem, Dk Emmanuel Moyo anaonekana mbele akiwa amevalia kofia nyeupe na Shati ya Blue mikono mirefu   akiwatembeza Viongozi  na Wataalamu  Sambamba na  Wakulima Waliofika Shambani hapo kujionea na kujifunza njia bora za kisasa(Shamba la karanga mbegu Naliendele 16)

 

 

Mtaalam Wa kilimo Aithan Chaula ambaye pia ni Katibu Mtendaji Shirika la Dodoma Agriculture Seed Production Association (DASPA) Akitoa Elimu namna ya kutumia mashine za kupandia mbengu aina zote

Mkurugenzi Mkuu wa Kampuni ya Alssem, Dk Emmanuel Moyo anaonekana mbele akiwa amevalia kofia nyeupe na Shati ya Blue mikono mirefu   akiwatembeza Viongozi  na Wataalamu  Sambamba na  Wakulima Waliofika Shambani hapo kujionea na kujifunza njia bora za kisasa(Shamba la Mtama )

Read More

SERIKALI IMETOA SHILINGI TRILLIONI 1.7 KWA WAKALA WA NISHATI VIJIJINI(REA).

 
Na Moreen Rojas,
Dodoma.


Serikali imetoa jumla ya shilingi trillioni 1.7 kwa Wakala wa Nishati Vijiini (REA)kwaajili ya utekelezaji wa miradi mbalimbali  ya nishati nchini.

Aidha Serikali imetoa billion 12 kwa ajili ya mradi wa kuwezesha ujenzi wa vituo Vidogo vya kusambaza bidhaa za Petroli na Diseli vijijini Tanzania bara kwa lengo la Kulinda Mazingira na Afya ya Watumiaji na Kuboresha upatikanaji na Usambazaji wa Mafuta vijijini.

 

Mkurugenzi Mkuu Wa Wakala wa Nishati Vijiini REA Mhandisi Hassan Said amesema hayo leo Jijini Dodoma katika Mkutano na waandishi wa Habari akisema usambazaji wa mradi huo  unahusu kuwekeza ujenzi wa vituo Vidogo vya mafuta Katika maeneo mbalimbali Vijiini.

"Tumeandaa programu maalumu ya kuhamasisha matumizi bora ya nishati na hii ni kuwaelimisha kina mama kwamba unaweza kitumia umeme kuzalisha mali ambapo upatikanaji wa umeme maeneo ya vijijini asilimia 69.6% vijiji 10600 vimefanikiwa kufikiwa tunamaliza kupeleka umeme kwenye vijiji sasa tunaanza kwenye vitongoji"Amesema Mhandisi Saidi.

Moja ya changamoto inayosababisha wananchi wasitumie nishati safi na kuendelea kutumia nishati ya asili yaani Mkaa na Kuni ni Pamoja na upatikanaji wake kwani nishati asilia zimekua zikipatikana kwa urahisi.

Mhandisi huyo amesema Wakala umeanza kutekeleza Mradi wa kusambaza mitungi ya gesi ya kupikia kwa utaratibu wa utoaji ruzuku kuwezesha usambazaji wa mitungi ya gesi ya kupikia (LPG) 71,000  yenye thamani ya shilingi bilioni 3 pamoja na majiko banifu 200,000  (laki mbili) katika maeneo ya vijijini huku Kwa Mwaka wa Fedha 2023/24 Jumla ya fedha  takribani bilioni 10 zimetengwa kwaajili ya kufanikisha mradi huo.


"Tumefanikiwa kuja na programu ya kuwezesha majiko banifu na serikali imepata udhamini kutoka benki ya dunia kwa shilingi bilioni 14 pamoja na programu ya kuwezesha uzalishaji mkaa mbadala ili utumike badala ya kuni na mkaa"

Ametoa Rai kwa Watanzania kutumia mafundi wanaotambulika na Shirika la Umeme Tanzania ( TANESCO) kuondoa lawama zinazotolewa na wananchi dhidi ya Serikali zinazosababishwa  k na mafundi vishoka wanaotumia njia za magendo kufanya shughuli hizo za uunganishaji wa Umeme.

"Tumedhamiria kuanzisha usambazaji wa mitungi ya gesi kila mkoa 2,700 na hii mitungi mtu anaweza kuiona ni midogo lakini tumekusudia kuhamasisha wananchi kutumia gesi na kuhamasisha wananchi kutoka kutumia mkaa na kuni ikiwa ni ajenda ya kutunza mazingira na kutoka kwenye nishati chafu hadi nishati safi" Amesisitiza Mhandisi Saidi

Kadhalika Serikali kupitia REA kwa kushirikiana na Benki ya Dunia (WB) imetenga Dola za Kimarekani (USD Milioni 6) kwa ajili ya mradi wa usambazaji wa majiko banifu ya kupikia.

Kabla ya Wakala wa Nishati Vijiini kuanzishwa nchini upatikanaji wa Umeme Vijiini uliku chini ya asilimia 5% na kufikia asilimia 69.6 za sasa.

Aidha wakala wa Nishati Vijijini(REA)imedhamiria kuboresha maisha ya wananchi waishio vijijini kupitia upatikaji wa Nishati.

Read More

𝗩𝗜𝗢𝗡𝗚𝗢𝗭𝗜 𝗪𝗔 𝗧𝗔𝗔𝗦𝗜𝗦𝗜 𝗭𝗔 𝗨𝗠𝗠𝗔 𝗪𝗔𝗘𝗟𝗘𝗭𝗔 𝗙𝗔𝗜𝗗𝗔 𝗭𝗔 𝗞𝗨𝗕𝗔𝗗𝗜𝗟𝗜𝗦𝗛𝗔𝗡𝗔 𝗧𝗔𝗔𝗥𝗜𝗙𝗔 𝗞𝗜𝗗𝗜𝗝𝗜𝗧𝗔𝗟𝗜 𝗞𝗨𝗣𝗜𝗧𝗜𝗔 𝗠𝗙𝗨𝗠𝗢 𝗪𝗔 𝗚𝗼𝗩𝗘𝗦𝗕

 

Viongozi wa taasisi mbalimbali za umma wameeleza faida za kubadilishana taarifa kidijitali kupitia Mfumo wa pamoja wa ubadilishanaji taarifa serikalini ujulikanao kama ‘Government Enterprises Service Bus’ (GovESB).

Wakizungumza na mwandishi wetu katika nyakati tofauti, viongozi hao wameeleza kuwa, mfumo wa GoVESB umekuwa na faida nyingi ikiwemo kuongeza ufanisi wa utendaji kazi, kuokoa muda pamoja na gharama za uendeshaji wa taasisi.

Mtendaji Mkuu wa Mahakama ya Tanzania Prof. Elisante Ole Gabriel, alisema Mahakama inabadilishana taarifa na taasisi mbalimbali ikiwemo Ofisi ya Mkemia Mkuu wa Serikali, Mamlaka ya Vitambulisho vya Taifa (NIDA), Wakala wa Usajili wa Biashara na Leseni (BRELA) pamoja na Ofisi ya Mwanasheria Mkuu wa Serikali.

“Mfumo wa GoVESB umesaidia kuongeza ufanisi katika utendaji kazi wa Mahakama kwakuwa, tunaweza kupata taarifa kwa urahisi kutoka taasisi tulizoingia nazo makubaliano na kuweza kubadilishana taarifa kidijitali, vilevile umesaidia kuongeza ufanisi na uwazi katika kuwahudumia wananchi kwa wakati”, alisema Prof. Elisante.

Naye Mkurugenzi wa Teknolojia ya Habari na Mawasiliano (TEHAMA) Chuo cha Usimamizi wa Fedha (IFM) Bw. Herman Mandari, alisema kabla ya kuanza kutumia mfumo wa GovESB, chuo hicho kilikuwa kikikabiliwa na changamoto ya upatikanaji wa taarifa kutoka taasisi mbalimbali za umma.

“Kabla ya kuanza kutumia mfumo wa GoVESB, Maafisa walilazimika kuwasilisha maombi ya kupata taarifa kwa njia ya barua kwa kutembelea taasisi husika, na hivyo kuchukua muda mrefu kupata taarifa hizo, jambo lilichongia kupunguza ufanisi katika utendaji wa kazi”, alisema Mandari.

Aliongea kuwa, changamoto nyingine waliyokabiliana nayo ni utofauti wa utaratibu wa kupata taarifa kutoka taasisi moja hadi nyingine, kwani kila taasisi ina utaratibu wake wa ndani wa kupata na kutoa taarifa na pia, baadhi ya taasisi utaratibu huo hubadilika mara kwa mara, lakini kupitia GoVESB changamoto hizo zimetatuliwa na sasa wanapata taarifa zote kwa wakati.

Kaimu Meneja wa TEHAMA Chuo cha Utumishi wa Umma Bw. Elibariki Mushi, alisema mfumo wa GovESB umewasaidia kupata taarifa sahihi, zinazoaminika na zenye ubora na viwango stahiki kwa wakati, na hivyo kuimarika kwa usalama wa upatikanaji wa taarifa.

“Taarifa hizi tunazipata sehemu moja, hili ni jambo jema na mwelekeo huu ndio ulikuwa unasisitizwa na viongozi wetu, hivyo sio tu tunabadilishana taarifa ila tutabadilishana taarifa katika viwango vinavyofanana”, alisema Mushi.

Kwa upande wake, Kaimu Mkuu wa Chuo cha Biashara (CBE) Prof. Edda Lwoga, ametoa hamasa kwa taasisi za umma ambazo hazijajiunga na mfumo wa GovESB kujiunga na mfumo, huo kwani kutokana na mapinduzi ya sayansi na teknolojia, ubadilishanaji wa taarifa ni swala ambalo haliwezi kukwepeka katika utendaji kazi

Prof. Lwoga alisema kuwa, CBE inabadilishana taarifa na taasisi saba hivyo kwa taasisi ambazo bado hazijajiunga na mfumo wa GovESB ni vigumu kubadilishana nazo taarifa na hivyo kupunguza ufanisi katika utendaji kazi.

Aidha, Katibu Mtendaji Baraza la Taifa la Elimu ya Ufundi na Mafunzo ya Ufundi Stadi (NACTVET) Dkt Adolf Rutayuga, amezishauri taasisi za umma kujiunga katika mfumo huo ili kuokoa muda wa kuwahudumia wananchi, lakini pia kupunguza gharama za kutengeneza mifumo midogo midogo ya kuunganisha na taasisi nyingine.

Mfumo wa GoVESB umetengenezwa na Mamlaka ya Serikali Mtandao (e-GA) kwa kuzingatia kifungu cha 48 (2) cha Sheria ya Serikali Mtandao Na. 10 ya Mwaka 2019, kinachoitaka Mamlaka ya Serikali Mtandao kuanzisha na kuendesha Mfumo unaowezesha Mifumo ya TEHAMA Serikalini kuwasiliana na kubadilishana taarifa.

Read More

DKT. YONAZI: SEKTA YA KILIMO KUCHAGIZA PATO LA TAIFA.

 

Na. Mwandishi Wetu -Dar es Salaam

Serikali imeendelea kutoa kipaumbele katika kuendeleza sekta ya kilimo nchini  kwa  kuzingatia umuhimu na tija ya sekta hiyo katika maendeleo ya Taifa.

Kauli hiyo imetolewa na Katibu Mkuu Ofisi ya Waziri Mkuu anayeshughulikia masuala ya Sera, Bunge na Uratibu Dkt. Jim Yonazi Agosti 15, 2023 wakati akihutubia katika kikao cha Awali cha Wadau kwa ajili ya zoezi la Tathmini ya Nusu Muhula na Uandaaji Mpango wa Utekelezaji wa Programu ya Kuendeleza Sekta ya Kilimo Awamu ya Pili (ASDP II) kwa miaka mingine mitano kilichofanyika  Jijini Dar es salaam.

Dkt. Yonazi alieleza kuwa sekta ya kilimo ni muhimu kwa Taifa  na tegemeo kwa maisha ya wananchi wengi kwani huongoza inaongoza kwa uchangiaji mkubwa katika pato la Taifa, na robo tatu ya bidhaa zinazouzwa nje ya Nchi.

Aliongeza kuwa sekta ya kilimo imeendelea kuwa chanzo cha chakula pamoja na utoaji wa fursa za ajira zaidi ya asilimia 75 ya Watanzania  ambapo  katika mwaka 2021, sekta hiyo ilichangia asilimia 26.1 katika shughuli za kiuchumi katika Pato la Taifa.

Alifafanua kuwa, kilimo kimekuwa  na uhusiano na sekta zisizo za kilimo kupitia usafirishaji kwenda kwenye usindikaji wa mazao ya kilimo, matumizi na uuzaji nje ya nchi pamoja na malighafi kwa viwanda na masoko kwa bidhaa zilizotengenezwa akieleza kuwa hatua hiyo imechagiza ongezeko la bajeti kubwa katika sekta ya kilimo kwa miaka miwili mfululizo.

Aidha alitumia fursa hiyo kuwapongeza  wadau mbalimbali wanaoendelea kuunga mkono jitihada za Serikali katika kuyafikia malengo yake ikiwemo Shirika la Kilimo na Chakula Duniani (FAO).

“Nichukue fursa kulishukuru Shirika la Kilimo na Chakula Duniani (FAO) kwa kuunga mkono juhudi hizi ambapo wamewezesha kwa kujengea uwezo timu ya wataalam wa ndani itakayoshirikiana na Mshauri Elekezi katika zoezi hili. Timu hiyo itakuwa na mchango mkubwa katika kutoa taarifa na maoni ambayo yatazingatiwa na Mshauri Elekezi kabla ya vikao vya wataalam na viongozi,”alisema Dkt. Yonazi.

Aidha, alishukuru ushiriki wa Makatibu Wakuu na Wakuu wa Taasisi ikiwa ni pamoja na kuwaruhusu wataalam wao kushiriki katika kikao hicho muhimu kwa sekta ya kilimo.

“Pia, napenda kulishukuru Shirika la Alliance for Green Revolution in Africa – AGRA kwa kuwezesha Ofisi ya Waziri Mkuu kuratibu zoezi hili la mapitio ya utekelezaji wa Programu ya Kuendeleza Kilimo Awamu ya Pili - ASDP II kwa kipindi cha miaka mitano ya kwanza, yaani mwaka 2018 – 2023 na uandaaji wa mpango wa miaka mitano ijayo,”Alishukuru Dkt. Yonazi.

Awali Dkt. Yonazi alibainisha kuwa Ofisi ya Waziri Mkuu ina dhamana ya uratibu wa Programu ya Kuendeleza Kilimo Awamu ya Pili, kwa kutambua umuhimu wa programu hiyo na hatua iliyofikiwa katika utekelezaji inaratibu  zoezi la tathmini ya programu na uandaaji wa mpango wa programu katika kipindi kilichobaki kwa kushirikiana na wadau.

“Katika mapitio ya Mipango na Mikakati mingine, mapitio na uhuishaji wa ASDP II utahusisha uchambuzi wa nyaraka na maandiko mbalimbali yanayohusiana na maendeleo ya Sekta ya Kilimo nchini. Ni muhimu kila sekta kuhakikisha inatoa takwimu na taarifa za kutosha ili kuwezesha tathmini kuwa na uhalisia pamoja na kuwezesha mpango utakaoandaliwa kutekelezeka kwa ufanisi,”Alieleza.

=MWISHO=

Read More

WANAHABARI NA WATUMISHI WAMEJERUHIWA HIFADHI YA NGORONGORO

 

Read More

*WANANCHI WA MBEYA MSIINGIZWE KINGI NA WAPINZANI, WAMEPUYANGA: DKT. TULIA*

Spika wa Bunge la Jamhuri ya Muungano wa Tanzania ambaye pia ni Mbunge wa Mbeya Mjini Mhe. Dkt. Tulia Ackson, amewataka Wananchi hususani wa Jimbo lake wajihadhari na watu wenye nia ovu ya kutaka kuwagombanisha na Serikali  yao ili wasishiriki katika mipango ya maendeleo yao.

Dkt. Tulia ameyasema hayo leo tarehe 15 Agosti, 2023 wakati wa  Mkutano wa hadhara uliofanyika Kata ya Iyela iliyopo Jijini humo na kusisitiza kuwa wakati Serikali ikijidhatiti kuhakikisha inafikisha huduma bora kwa jamii, wapo baadhi ya watu kwa makusudi wanajitokeza kutaka kuzuia jitihada hizo.

Amesema kuwa katika Jimbo lake ipo miradi mingi ya kimkakati iliyofanyika na inayoendelea kufanyika kwa kasi ikiwa ni baada ya yeye kuwa Mbunge wa Jimbo hilo ikiwemo elimu, afya na miundombinu  ambayo Serikali inatumia fedha nyingi zinazokusanywa kupitia kodi zinazotokana na uwekezaji.

Ameongeza kwa kusema kuwa ili kufanikisha hayo yote ni lazima Serikali ifanye uwekezaji na kukusanya kodi kama ambavyo imeamua kuongeza wigo mpana wa mapato kupitia bandari ambayo itawezesha kupatikana kwa mapato mengi zaidi.

“Niwaombe ndugu zangu Wananchi, wakati Serikali yenu inapambana kuwaletea maendeleo haya yote kuna watu huko wanahangaika kufanya porojo za hovyo na mwisho wa siku wameishia kupuyanga. Hivyo msije kuingizwa kingi na watu hao kwamaana hawana hoja” Amesisitiza Dkt. Tulia

Read More

YALIYOJIRI LEO AGOSTI 15, 2023 WAKATI WA UFUNGUZI WA JENGO LA KITEGA UCHUMI (SAFINA HOUSE) LA KANISA LA ANGLIKANA*

*Aliyosema Rais wa Jamhuri ya Muungano wa Tanzania, Mhe. Dkt. Samia Suluhu Hassan*

#Pamoja na kutoa huduma zilizopangwa, jengo hili la kitega uchumi limebadili mandhari na limeleta mandhari ya kupendeza ndani ya Jiji la Dodoma, nawapongeza kwa kukamilisha mradi huu.

#Jengo hili ni la kitega uchumi, hivyo linaashiria kukua kwa shughuli za kiuchumi za Kanisa la Anglikana, Serikali imefurahishwa na kukamilika kwa mradi huu kwa kuwa utachangia maendeleo ya kiuchumi na kijamii.

#Serikali inatambua na kuthamini mchango mkubwa unaotolewa na taasisi pamoja na mashirika ya kidini nchini, mbali na kutoa huduma za kiroho, taasisi hizi zinasaidia Serikali katika kutoa huduma kwa wananchi.

#Jukumu la kilimo ni jukumu kubwa, mnalibeba na mnaisaidia sana Serikali kwani suala la kilimo na chakula ni miongoni mwa ajenda kuu za Serikali.
 
#Kanisa limekuwa likiwajali watoto wenye mahitaji mbalimbali, wajane na masikini wasiojiweza, huu ndio utumishi mwema na wito mkuu wa kanisa, natumia fursa hii kulipongeza kanisa Anglikana kwa kazi hizi.

#Pamoja na kazi kubwa mnayoifanya, nawahimiza kazi ya kulinda maadili na kukemea maovu, kuwafundisha vijana pamoja na watu wazima wale ambao wanalitumia kanisa kufanya mambo ya hovyo.

#Nawapongeza Kanisa la Anglikana kwa kufungua jengo hili la kitega uchumi ambalo ni la aina yake kwa usanifu na muonekano wake. Natoa pongezi za dhati kwa ubunifu mkubwa.

#Serikali itaendelea kutambua na kuenzi mchango wa Kanisa Anglikana Tanzania pamoja na kudumisha ushirikiano wa karibu na kanisa hili pamoja na taasisi zote za kidini nchini kwani tukifanya kazi kwa pamoja tutaweza kuongeza kasi ya maendeleo kwa Taifa letu.

#Natoa wito kwa Kanisa kuendelea kuwahimiza waumini wenu kufanya kazi kwa bidii na kuchangamkia fursa mbalimbali zinazotokana na kuhamishia Makao Makuu ya Serikali hapa Dodoma, tunataka maendeleo ya Dayosisi hii yaende sambamba na maendeleo ya jiji na mkoa wetu wa Dodoma.

#Nawasihi viongozi wa kanisa hili na viongozi wote wa dini nchini kuendelea kuliweka taifa letu katika mikono salama ya Mwenyezi Mungu ili lidumu katika amani, umoja na mshikamano, kamwe tusikubali kuyumbishwa na mtu yeyote asiyelitakia taifa letu mema

*Aliyosema Mkuu wa Mkoa wa Dodoma, Mhe. Rosemary Senyamule*

#Rais, Mhe. Samia Suluhu Hassan umetufundisha kushirikiana, kuheshimu watu na kuheshimiana pamoja na kuthamini watu wengine bila kujali kabila, dini, itikadi za kisiasa wala chochote, tumeshuhudia wewe ukishirikiana na kila mtu kwa vitendo jambo hili ni funzo kubwa kwetu.

#Sisi Mkoa wa Dodoma tumepokea maelekezo yale ambayo tumeyaona kwako kwa vitendo kwa kushirikiana na taasisi zote za dini na makundi yote kama ambavyo umeelekeza.

#Nawashukuru viongozi wa dini kwa Mkoa wa Dodoma ambavyo wanashirikiana na mkoa na wilaya zote na kufanya amani na utulivu kwa mkoa huu kuendelea kuimarika.

#Nakupongeza na kukushukuru Rais Samia kwa kuleta miongozo ya Serikali na kuonesha utashi wa dhati kwa kuonesha fursa za uwekezaji na kuifanya Tanzania kuwa sehemu ya matamanio ya kila mtu kuwekeza nchini.

#Kanisa la Anglikana wamekuwa wadau wazuri  kwa kuwekeza ambapo leo umeufungulia jengo kubwa la uwekezaji, kanisa hili pia wana miradi ya elimu, hospitali ya macho.

#Ufunguzi wa jengo hili ni kitega uchumi kikubwa ambacho kitaenda kutupambia na kutuongezea sifa na hadhi ya Mji wa Dodoma.

*Aliyosema Askofu wa Dayosisi ya Central Tanganyika, Dkt. Chilongani Dickson*

#Tunakushukuru Rais, Mhe. Samia kwa kujumuika nasi katika tukio hili, ujio wako unaendelea kuthibitisha kwamba wewe ni Rais unaewajali na kuwatumikia Watanzania wa dini zote, makabila, rangi na itikadi  zote. Ingawa Serikali haina dini, wananchi wake wana dini na Serikali inaziheshimu dini zote na inashiriki katika matukio mbalimbali ya dini.

#Nakupongeza Rais Samia kwa uongozi wako mahiri na kwa kazi nzuri unayoendelea kuifanya wewe na Serikali yako katika Awamu ya Sita kwa maendeleo ya nchi yetu na kwa ustawi wa wananchi wote, tangu umepokea kijiti cha uongozi wa Taifa letu, hujayumba wala kutetereka.

*Aliyosema Askofu Mkuu Kanisa la Anglikana Tanzania, Mha. Dkt. Maimbo Mndolwa*

#Kanisa halifanyi kazi za injili pekee bali linafanya na kazi za maendeleo na za kijamii, hayo yote tunayafanya tukijua ya kwamba mkono wa Mungu unagusa watu kwa njia nyingi na moja ya sababu ya kufanya haya ni kugusa maisha ya watu wenye uhitaji mkubwa.

#Nawatia moyo Maaskofu kuwa kazi mnayofanya pamoja na maumivu na maneno mengi, Mungu anaona, pasipo na kusemwa hakuna kufanya kazi na palipo na kazi yenye nguvu lazima maneno yatainuka na siku zote ushindi utainuka pale tunaposimama na Mungu.

#Pamoja na changamoto zilizoikumba Dunia kutokana na changamoto za UVIKO-19 na nyinginezo, uchumi wa Tanzania unaendelea kukua kwa kasi, sisi waumini wa Kanisa Anglikana Tanzania tunakuombea mchana na usiku.

#Suala la kuamuru wanawake kuwa Wachungaji limekuwa na mjadala ndani ya Kanisa Anglikana na maamuzi yamekuwa ni kuiachia Dayosisi husika kuamua kama zinataka kufanya hivyo au laa. Dayosisi ya Central Tanganyika ndio Dayosisi ya kwanza Tanzania kuanza kuwapa huduma Wachungaji wanawake ambapo hadi sasa Dayosisi hii ina jumla ya Wachungaji wanawake 65.

#Dayosisi hii inajishughulisha pia na huduma za elimu, afya na jamii ikiwemo hospitali, shule za sekondari, chuo kikuu cha St. John na Chuo cha Ualimu kilichopo Muleba, Kagera.

#Dayosisi ina shule 9, kati yake mbili ni za msingi (english medium), shule mbili za sekondari na shule moja ya kimataifa inayotumia mtaala wa cambridge, tumeanzisha shule ya ufundi ya viziwi kwa kutumia lugha ya alama, shule ya msingi ya wasioona, wenye uono hafifu na walemavu wa ngozi.

#Naishukuru Serikali kwa msaada ambao inaendelea kuutoa kwa watoto waliopo katika shule hizo ikiwemo Walimu, chakula na vitabu vya kufundishia.

#Kwa kipindi cha takriban miaka 10, Dayosisi imeweza kusomesha watoto yatima takriban 7,000 kwa ngazi ya shule ya msingi, sekondari, elimu ya ufundi na vyuo vikuu kwa kuwapatia lishe bora, vifaa na sare za shule, kuwalipia ada na matibabu.

#Dayosisi imewachimbia visima na kuwajengea matenki ya maji wananchi wa wilaya za Bahi na Chamwino pia ina kituo cha afya na hospitali mbili pamoja na Taasisi ya Afya na Sayansi ya Mvumi.

#Ujenzi wa jengo hili la kitega uchumi ulianza mwaka 2017, hadi kukamilika kwa jengo hili, tumetumia shilingi bilioni 8 ambapo katika hizo, shilingi bilioni mbili ni msaada kutoka kwa marafiki zetu wa Trinity Church Wallstreet Newyork, shilingi bilioni tatu ni fedha zetu za ndani na bilioni tatu ni mkopo kutoka benki.

#Jengo hili tayari lina wapangaji wa kuaminika na litaliingiza Dayosisi takriban shilingi bilioni moja kwa mwaka, kwa kutumia mapato haya na jitihada zetu za ndani ni dhahiri kwamba mkopo huu tutaulipa kwa kipindi kifupi.

#Tunataka jengo hili lilete taswira ya kanisa kuendelea kujikomboa kiuchumi na hatimaye liweze kujitegemea kwani kwa muda mrefu kanisa limeendelea kutegemea misaada wakati nchi yetu ina fursa nyingi na rasilimali za kutosha.

#Jengo hili lina ukumbi unaoingiza takriban watu 400, tumejenga ukumbi huu ili kuwa na sehemu ambayo itawaleta vijana wa dini zote ili kuwapatia mada mbalimbali na kuwapa fursa za wao kubadilishana mawazo ya kijamii, kiuchumi na maadili ya kitanzania.

*IMEANDALIWA NA IDARA YA HABARI - MAELEZO*

Read More

NAIBU WAZIRI KATAMBI AMEIPONGEZA DASPA KWA KUUNGA MKONO JITIHADA ZA RAIS SAMIA

 

  Na. Kadala Komba Dodoma

 

 

Naibu Waziri Katambi pamoja na Mkoa Mhe.  Rosemary Senyamule wakikabidhi mashine kwa wakulima.

Naibu Waziri, Ofisi ya Waziri Mkuu kazi, vijana, Ajira na wenye ulemavu Mhe Patrobas Katambi Amelipongeza shirika la Dodoma Agriculture Seeds Production Association (DASPA) kwa kumuunga  mkono Rais Dkt. Samia Suluhu Hassan katika jitihada zake za kuleta maendeleo sekta ya kilimo.   

 Naibu Waziri Katambi ameyasema hayo wakati wa kilele cha maonesho na sherehe za wakulima nanenane  yaliyofanyika viwanja vya Nzuguni jijini Dodoma wakati alipotembelea banda la wakulima Halmashauri ya Singida.

“ DASPA imemuelewa Rais ambaye anataka wakulima  kulima kilimo cha biashara ili kujikwamua kiuchumi,DASPA mumeliona hili kwa  kutoa somo la kilimo na kuwasaidia wakulima kwa kuwapatia zana za  Kisasa za kupandia mbegu  ambazo zitamsaidia mkulima kuondokana  na zana duni( Jembe la mkono ) nawapongeza kwa kuwapatia wakulima zana bora za kilimo  zitakazoraisisha shuguli za kilimo pia kulima kilimo  bora chenye tija ”

Alisema amempongeza  Rais wa Jamhuri ya Muungano wa Tanzania Dkt. Samia Suluhu Hassan kwa kuhamasisha na  kuweka fedha nyingi na kuweka pembejeo katika swala la kilimo kwa lengo likiwa ni kuwawezesha wakulima kiuchumi hivyo basi wakulima changamkieni fursa hizi .

 Kwaupande wake  Mwenyekiti wa Shirika la Dodoma Agriculture Seeds Production Association (DASPA) Janeth Nyayahasi alisema shirika la DASPA ni shirika linalojihusisha na uzalishaji mbegu za karanga na mtama lisilo la kiserikali lakini, pia amesema teknolojia inakua na imepelekea kuondokana na kilimo cha mazoea na kutumia kilimo cha teknolojia na wao kama shirika la DASPA wameona watoe mashine  za kupandia zenye thamani ya shilingi la 700,000 (laki saba) kwa vikundi viwili kutoka Singida  kwa namna walivyojieleza wanavyopambana kutengeneza Mnyororo  wa thamani, lakini bila kuwa na vifaa ama teknolojia za kupandia Kwenda kwa mfumo sahihi na kutumia mbegu sahihi itakuwa kazi bure hivyo tumeona  vyema kuwapa mashine mbili kwaajili ya kupandia Tunaomba kwa heshima yako Kuu wa Mkoa Mhe.  Rosemary Senyamule na Naibu Waziri Mhe. Katambi kuwakabidhi vifaa hivi kwa wanavikundi.

Aidha Vailet Sikunyingi ambaye ni  Mkulima kutoka Halmashauri ya Wilaya ya Kongwa  kijiji cha laikala ameishukuru Serikali Pamoja na DASPA Kwa kuona umuhimu wa vikundi na kuvisaidi kwa kutupatia zana za kilimo tunashukuru sana.

 

Naibu Waziri Katambi pamoja na Mkoa Mhe.  Rosemary Senyamule wakikabidhi mashine kwa wakulima.

MATUKIO YA PICHA VIONGOZI WAKIKABIDHI MASHINE KWA WAKULIMA 

  

PICHA ZOTE NA KADALA KOMBA

Read More