CHAMA CHA USHIRIKA KIMEZINDUA MKAKATI WA UPANDAJI MITI KWENYE VYAMA VYA USHIRIKA NA WADAU WA USHIRIKA

 
Na. Kadala Kuomba Dodoma

 Hayo yamejiri jijini Dodoma katika shughuli ya upandaji miti shule ya msingi uhuru
Dkt. Benson Ndiege Mrajis wa Vyama vya Ushirika amesema tunapozungumzia mazingira ni swala la kidunia ni swala la kiulimwengu kwamaba mataifa yote ikiwemo Tanzania tunashiriki kuhakikisha kwamba tunaboresha mazingira kwa masilahi ya mwanadamu ambao wanaishi kwenye Dunia hii.
"Kwa nchi yetu ya Tanzania Agenda ya mazingira ni Agenda kubwa na imepewa nafasi kubwa tumeona viongozi wetu wa kitaifa akiwemo Mh.Rais waziri Mkuu na Makamu wa Rais wakishiriki na kutuhamasisha kwenye maeneo mbalimbali kulinda mazingira hasa kwenye matukio kama haya ya upandaji miti hasa kwenye misimu ya mvua kama sasa hivi"

Aidha Dkt. Benson Ndiege Amesema tunaunga mkono jitihada za serikali katika kurinda mazingira na kuboresha mazingira ndio maana leo tumekusanyika hapa kwa lengo moja tu la kupanda miti, sisi kama Tume ya ushirika tunasimamia vyama vya ushirika nchini takribani elfu 7 mia nne na zoezi hili ni uzinduzi wa upandaji wa miti nchi nzima kwenye vyama vya ushirika ni zoezi endelevu Alisema.

Kwa upande wake Leonard Bilomo Afisa misitu Daraja la pili amesema tukio la leo la upandaji miti kwenye shule hii ni kupendezesha na kutengeneza mazingira ya eneo hili pia wanafunzi waweze kufaidika na matunda ya miti hii.
Kwa niaba ya Wanafunzi wa shule hiyo Abdul Ramadhani Ameishukuru Tume ya Ushirika kwa Elimu namna Bora ya kupanda miti na kuitunza tunayo furaha kwa kuletewa miti kwenye shule yetu, sisi kama wanafunzi tutaitunza hii miti kwa sababu miti inafanya shule iwe na mwonekano mzuri na vivuli vya kupumnzikia.

Dkt. Benson Ndiege Mrajis wa Vyama vya Ushirika Akizungumza na Waandishi wa umuhimu na utunzaji wa mazingira

Leonard Bilomo Afisa misitu Daraja la pili

Read More

WACHIMBAJI WADOGO WA MADINI WATAKIWA KUAKISI TASWIRA YA WANANCHI WA DODOMA.

 

Hamasa imetolewa kwa wachimbaji wadogo wa Madini Mkoa wa Dodoma kuifanya sekta hiyo kuakisi uchumi wa wananchi wa Dodoma kwani ndio Mkoa pekee nchini ambao unapatikana aina nyingi zaidi za madini ukilinganishwa na Mikoa mingine ya Tanzania.

Hayo yamebainishwa  Januari 10 wakati wa kikao kazi kilichoitishwa na Mkuu wa Mkoa wa Dodoma Mhe. Rosemary Senyamule na wadau mbalimbali wa madini wakiwemo wakala wa utafiti wa madini (GST), STAMICO, Tume ya madini pamoja na wachimbaji wadogo wa madini ndani ya Mkoa wa Dodoma,kikao hicho kimefanyika kwenye ukumbi wa ofisi ya Mkuu wa Mkoa wa Dodoma.

"Natamani madini yaonekane kwenye sura za wananchi wa Dodoma ili yachechue Uchumi wa wananchi na Mkoa kwa ujumla. Mhe. Rais ameipa kipaombele sekta ya madini kwa kuboresha sera mbalimbali za madini kama vile kuimarisha kodi, ushuru pamoja na utafiti.

" Mkoa pia katika vipaombele vyake umeipa madini kuwa kipaombele namba moja ikifuatiwa na viwanda, Utalii, Mji wa kimkakati n.k. sekta hii imepewa uzito Mkubwa kwa kupewa thamani ya kubadilisha maisha ya watu.Tunatamani Dodoma tuwe wanufaika wa madini haya" Amesema Mhe. Senyamule.

Awali akitoa taarifa ya utafiti wa madini yanayopatikana ndani ya Mkoa wa Dodoma, Mjiolojia kutoka GST Bw. Abbas Mruma, amesema Mkoa wa Dodoma unashika namba 1 kwa kuwa na aina nyingi za madini ukifuatiwa na Mkoa wa Lindi kwa kuwa unapatikana kwenye makutano ya miamba mikubwa ambayo ina miaka mingi zaidi ya 300 na kadri umri wa mwamba unavyokua mkubwa, ndivyo unavyozidi kuwa imara na kutoa madini imara pia.

"Mkoa wa Dodoma unaongoza kwa upatikanaji wa madini aina 47 huku Lithium ikiongoza tena yenye ubora ikipatikana kwenye eneo la Hombolo Jijini Dodoma na kufuatiwa na madini mengine kama vile Dhahabu, Nikel, Shaba, chuma, Uranium na mengine mengi. Tafiti zinaonesha kuwa uchimbaji mkubwa wa madini ulifanyika kwenye Mlima Sekenke huko Singida kwa madini ya Dhahabu lakini pia tumegundua kuna uwiano wa takribani madini 100,000 ardhini kwa nchi nzima ikiwemo Dodoma" Ameongeza Bw. Mruma

Kutokana na maoni mbalimbali ya wachimbaji wadogo wa madini waliohudhuria kikao hicho, maazimio yaliyofikiwa kwa pamoja ni STAMICO kuimarisha ushirikiano na mawasiliano na wachimbaji kuhusu fursa mbalimbali za uwezeshaji, kianzishwe kiwanda kidogo cha kuchenjua Shaba, Lithium na chuma pamoja na kuanzishwa kwa minada ya masoko ya madini

Read More

FURSA TANGAZO LA KAZI (TUCTA)

 

Read More